సరిగ్గా టాలీవుడ్ లో హీరోయిన్స్ షార్టేజ్ ఉన్న టైంలో వచ్చి సూపర్ సక్సెస్ అయ్యింది రకుల్ ప్రీత్ సింగ్. మొదట చిన్న హీరోలతో చేసి ఇప్పుడు ఏకంగా స్టార్ హీరోలకు పర్ఫెక్ట్ జోడీగా పేరు సంపాదించింది ఈ అమ్మడు. ఆమె కోసం హీరోలు పోటీ పడటం కూడా వింటూనే ఉన్నాం. అయితే స్టార్ హీరోయిన్ గా చేస్తుంది కదా.. ఐటం సాంగ్స్ చేయదుకదా అనుకుంటే పొరబడినట్టే.. ఇదేవరో అంటుంది కాదు ముద్దుగుమ్మే స్వయంగా చెబుతుంది. అవకాశం వస్తే ఐటం సాంగ్స్, స్పెషల్ సాంగ్స్ కూడా తాను సై అంటుంది రకుల్. ఎవరైనా స్టార్ స్టేటస్ లో ఉన్నప్పుడు ఐటం సాంగ్స్ గట్రా వచ్చినా నో అని చెప్పేస్తారు. కాని అమ్మడు మాత్రం అందుకు విరుద్ధంగా తాను అవి కూడా చేసేందుకు సిద్ధమే అని చెప్పడం ఆశ్చర్యంగా ఉంది.
అంతేకాదు ఐటం సాంగ్స్ అంటే కేవలం ఓ వారం కష్టపడితే సరిపోతుంది దానికే 50 లక్షల నుండి డిమాండ్ ను బట్టి కోటి కూడా వసూళు చేయొచ్చని అంటుంది రకుల్. చూస్తుంటే ఓ పక్క స్టార్ హీరోయిన్ గా చేస్తూనే రకుల్ త్వరలోనే ఐటం గాళ్ గా మారే అవకాశాలు ఉన్నాయనిపిస్తుంది. మరి రకుల్ కు ముందు ఐటం సాంగ్ అవకాశం ఎవరిస్తారో చూడాలి.
