మాస్ ప‌ల్స్ తెలిసిన ద‌ర్శ‌కుడు బోయ‌పాటి శ్రీ‌ను. ద‌మ్ము కాస్త తేడా కొట్టింది గానీ.. వ‌ర్క‌వుట్ అయితే.. బోయ‌పాటి ఈపాటికే ఎక్క‌డో ఉండేవాడు. అయితే… మ‌ధ్య‌లో లెజెండ్ హిట్ కొట్టి… మ‌ళ్లీ వీర ఫామ్‌లోకి వ‌చ్చేశాడు. ఇప్పుడు స‌రైనోడు ట్రైల‌ర్ చూస్తుంటే, ఈసారీ మ‌రో మాస్ హిట్ కొట్ట‌డం ఖాయంగానే క‌నిపిస్తోంది. బోయ‌పాటి మేకింగ్ చూసి.. చిరు కూడా ఫిదా అయిపోయాడు. వీలుంటే నీతో సినిమా చేస్తా.. అని మాట కూడా ఇచ్చాడు. అంతా బాగానే ఉంది. ఈ టోట‌ల్ ఎపిసోడ్ చూసి.. ఇప్ప‌డు రామ్‌చ‌ర‌ణే ఫీల‌వుతుంటాడు.

ఎందుకంటే ద‌మ్ము కంటే ముందు.. రామ్‌చ‌ర‌ణ్ కోసం ఓ క‌థ రెడీ చేసుకొని వెళ్లాడు బోయ‌పాటి. కానీ.. చ‌ర‌ణ్ తో ఎన్ని సిట్టింగులు వేసినా వ‌ర్క‌వుట్ కాలేదు. ద‌మ్ము త‌ర‌వాత మ‌ళ్లీ సిట్టింగులు ప‌డ్డాయి. అప్పుడూ.. కుద‌ర్లేదు. అంతెందుకు లెజెండ్ త‌ర‌వాత కూడా చ‌ర‌ణ్ కోసం మ‌ళ్లీ ట్రై చేశాడు బోయ‌పాటి. ఈసారీ క‌థ న‌చ్చ‌క చ‌ర‌ణ్ బోయ‌పాటి ని ప‌క్క‌న పెట్టేశాడు. లేదంటే ఈపాటికే.. చ‌ర‌ణ్ – బోయ‌పాటి సినిమా వ‌చ్చేసేది. చ‌ర‌ణ్ ఇప్పుడు ఓ మాస్ హిట్ కోసం ప‌రిత‌పించిపోతున్నాడు. ఈ ద‌శ‌లో బోయ‌పాటి క‌థ చెప్తానంటే.. చ‌ర‌ణ కాద‌న‌డు. కానీ. బోయ‌పాటి మ‌ళ్లీ చ‌ర‌ణ్ ద‌గ్గ‌ర‌కు వెళ్తాడా?? డౌటే. కానీ చిరంజీవి త‌ల‌చుకొంటే ఈ కాంబినేష‌న్ ఖాయమే. స‌రైనోడు రిజ‌ల్ట్ త‌ర‌వాత ఏమైనా జ‌రగొచ్చు. అందుకే ఎందుకైనా మంచిద‌ని చిరు ముందే క‌ర్చీఫ్ వేసేశాడు.