చిరంజీవి 152వ సినిమాకి కొర‌టాల శివ ద‌ర్శ‌కుడ‌న్న సంగ‌తి తెలిసిందే. ఇటీవ‌లే క్లాప్ కొట్టుకుంది. త్వ‌ర‌లోనే షూటింగ్ మొద‌లెడ‌తారు. అయితే ఈ సినిమాలో చ‌ర‌ణ్ కూడా ఉన్నాడ‌ని, చిరంజీవి ఫ్లాష్ బ్యాక్ పాత్ర‌లో చ‌ర‌ణ్ క‌నిపిస్తాడ‌ని జోరుగా ప్ర‌చారం జ‌రుగుతోంది. లేటెస్ట్ న్యూస్ ఏమిటంటే… ఈ సినిమాలో చ‌ర‌ణ్ లేడు. చ‌ర‌ణ్ కోసం కొర‌టాల శివ ఓ పాత్ర సృష్టిచండం కూడా అబ‌ద్ధ‌మే. స్క్రిప్టు ద‌శలో ఇలాంటి చ‌ర్చ‌లేమీ జ‌ర‌గలేదు. భ‌విష్య‌త్తులో.. చ‌ర‌ణ్ పాత్ర‌ని జోడించే అవ‌కాశాలూ క‌నిపించ‌డం లేదు. అంతేకాదు.. చిరంజీవి చేయ‌బోయే `లూసీఫ‌ర్‌` రీమేక్‌లోనూ చ‌ర‌ణ్ క‌నిపించ‌డు. చ‌ర‌ణ్ చేస్తాడ‌నుకుంటున్న పాత్ర‌లో మ‌రో యువ క‌థానాయ‌కుడు న‌టించే అవ‌కాశాలున్నాయి. ఇవ‌న్నీ చిరు కాంపౌండ్ వ‌ర్గాల నుంచి అందిన తాజా స‌మాచారం. సో… చిరు – చ‌ర‌ణ్‌ల‌ను తెర‌పై చూద్దామ‌నుకున్న మెగా ఫ్యాన్స్ ఆశ‌ల‌పై నీళ్లు చ‌ల్లిన‌ట్టే. కొర‌టాల శివ మ‌దిలో చ‌ర‌ణ్‌ని తీసుకురావాల‌న్న ఆలోచ‌న లేన‌ప్పుడు.. మ‌రి ఈ వార్త‌లు ఎలా పుట్టాయో, ఎక్క‌డి నుంచి పుట్టాయో..?