ప‌వ‌న్ న‌టుడిగానే కాదు, నిర్మాత‌గానూ బిజీ అవ్వాల‌ని చూస్తున్నారు. ప‌వ‌న్ క‌ల్యాణ్ క్రియేటీవ్ వ‌ర్క్స్ బ్యాన‌ర్‌ని ఆయ‌న మ‌ళ్లీ ట్రాక్‌మీద‌కు తెచ్చే ఆలోచ‌న‌లో ఉన్నారు. అందుకు సంబంధించిన ప్ర‌య‌త్నాలూ సాగుతున్నాయి. తొలుత త‌న కుటుంబంలోని ఓ హీరోతోనే సినిమా చేయాల‌ని భావిస్తున్నారు. ఆ హీరో ఎవ‌రో కాదు… రామ్ చ‌ర‌ణ్‌.

ప‌వ‌న్‌ రామ్ చ‌ర‌ణ్‌తో ఓ సినిమా చేసే అవ‌కాశాలు పుష్క‌లంగా ఉన్నాయి. ఇటీవ‌ల చ‌ర‌ణ్ మీడియాకు ఇచ్చిన ఇంట్వ‌ర్యూల‌లో `నా సంస్థ‌లో బాబాయ్ చేస్తే ఆనంద‌మే. బాబాయ్ నిర్మాత‌గా నేను సినిమా చేసినా ఆనంద‌మే` అంటూ ఓ హింట్ ఇచ్చారు కూడా. ఇప్పుడు ప‌వ‌న్ కూడా `నిర్మాత‌గా సినిమా చేయాల‌నివుంది` అంటూ త‌న మ‌న‌సులోని మాట బ‌య‌ట‌పెట్టారు. సో.. ప‌వ‌న్ రెండు ప‌డ‌వ‌ల మీద కాళ్లు వేయ‌డానికి సిద్ధ‌మ‌య్యాడ‌న్న‌మాట‌. అయితే చ‌ర‌ణ్‌తో సినిమా అంటే కాస్త టైమ్ ప‌డుతుంది. ముందు `ఆర్‌.ఆర్‌.ఆర్‌` పూర్తి చేయాలి. ఆ త‌ర‌వాత కొర‌టాల‌తో ఓ సినిమా చేయాల‌ని ఫిక్స‌య్యాడు చ‌ర‌ణ్‌. అన్నీ కుదిరితే… ఆ సినిమానే ప‌వ‌న్ నిర్మించొచ్చు. ఈలోగా సాయిధ‌ర‌మ్‌తేజ్‌, వ‌రుణ్‌తేజ్ లాంటి వాళ్ల‌తో ప‌వ‌న్ సినిమాలు చేసినా ఆశ్చ‌ర్యం లేదు.