మ‌హాన‌టి త‌ర‌వాత అంద‌రి దృష్టినీ త‌న‌వైపుకు తిప్పుకున్నాడు నాగ అశ్విన్. ఇప్పుడు ప్ర‌భాస్ తో ఓ సినిమా చేసే ఛాన్స్ అందుకున్నాడు. దాదాపు 200 కోట్ల భారీ బ‌డ్జెట్‌తో, పాన్ ఇండియా స్థాయిలో ఈ సినిమా రూపుదిద్దుకోనుంది. ప్ర‌భాస్ సినిమా పూర్త‌య్యాక.. రామ్ చ‌ర‌ణ్‌తో జ‌ట్టు క‌ట్ట‌నున్నాడు అశ్విన్. ఇప్పటికే చ‌ర్చ‌లు సైతం పూర్త‌య్యాయి. నిజానికి మ‌హాన‌టి త‌ర‌వాత.. చిరంజీవితో ఓ సినిమా ప్లాన్ చేశాడు అశ్విన్. పాతాళ భైర‌వికి రీమేక్‌లా ఆ సినిమా ఉండ‌బోతోంద‌ని అన్నాడు. మరి ఆ ప్రాజెక్టు ఏమైందో గానీ, ఇప్పుడు చ‌ర‌ణ్‌తో సినిమా ఓకే చేయించుకున్నాడు.
జ‌గ‌దేక‌వీరుడు – అతిలోకసుంద‌రి రీమేక్ ఈ మ‌ధ్య చ‌ర్చ‌ల్లోకి వ‌చ్చింది. ఈ సీక్వెల్ ఎలాగైనా తీస్తాన‌ని అశ్వ‌నీద‌త్ ప్ర‌క‌టించారు. అది చ‌ర‌ణ్‌తోనే అని అభిమానులూ ఫిక్స‌య్యారు. ఇప్పుడు అదే నిజ‌మ‌య్యే సూచ‌న‌లుక‌నిపిస్తున్నాయి. జ‌గ‌దేక‌వీరుడు అతిలోక సుంద‌రి సీక్వెల్‌నే నాగ అశ్విన్ కి అప్ప‌గించే అవ‌కాశాలున్నాయి. సీక్వెల్ కాక‌పోయినా.. చ‌ర‌ణ్‌తో ఓ సినిమా చేయ‌డం మాత్రం ఖాయం.
