హీరో రామ్ నూతన సంవత్సర కానుకగా వచ్చిన నేను శైలజ సినిమా అందరి మన్నలను పొందుతుంది. అయితే సినిమా గురించి ఓ ప్రముఖ న్యూస్ ఛానెల్ మాత్రం సినిమా ఫ్లాప్ అంటూ కథనాలు ప్రసారం చేయడంతో రామ్ ఆ ఛానెల్ మీద అసంతృప్తిని వ్యక్తపరిచాడు. పనికట్టుకుని తన సినిమా మీద ప్రతికూల ప్రచారం చేయడంతో నిర్గాంత పోయిన రామ్ ఆ ఛానెల్ చేస్తున్న ప్రచారం గురించి తన ట్విట్టర్లో ప్రస్థావిస్తూ బాధపడ్డాడు.
నిర్మాతతో ప్రాబ్లెం ఉంటే తప్పుడు రివ్యూస్ ఇవ్వడం.. పొలిటిషియన్ తో ప్రాబ్లెం ఉంటే తప్పు వార్తలు ఇవ్వడం కరెక్ట్ కాదు అంటూ ఆ ఛానెల్ పై తన అసంతృప్తిని వ్యక్త పరిచాడు రామ్. రాక రాక వచ్చిన హిట్ ని ఎంజాయ్ చేద్దామనే ఆలోచనలో ఉన్న తనకు ఓ ప్రముఖ ఛానెల్ వారు తలనొప్పిగా మారడం అందరిని అవాక్కయ్యేలా చేసింది. ఇలా రన్నింగ్ లో ఉన్న న్యూస్ ఛానెల్ బేస్ లెస్ వార్తలు ప్రచారం చేయడం వల్ల ప్రజల్లో నమకాన్ని కోల్పోతుందని అభిప్రాయపడ్డాడు.
తన సినిమా గురించి ప్రతికూలంగా ప్రచారం చేసినా ఆ న్యూస్ ఛానెల్ మీద తనకు గౌరవం ఉందని.. ఇలాంటి రివ్యూలతో తమ ప్రమాణాలను వారే దిగజార్చుకుంటున్నారని ట్విట్టర్లో ఘాటుగానే స్పందించాడు రామ్. ఇక చివరగా నేను.. శైలజ.. ఆ ఒక్క ఛానెల్ లో తప్ప వరల్డ్ వైడ్ గా విడుదలైన అన్ని చోట్ల బాగా రన్ అవుతున్నందుకు చాలా సంతోషంగా ఉంది.. లవ్ యు ఆల్ అంటూ ప్రేక్షకులనుద్దేశించి తన ట్విట్టర్ సంభాషణలను ముగించాడు రామ్. మరి రామ్ ట్విట్టర్లో పెట్టిన ఆ మెసేజ్ లకు సదరు న్యూస్ ఛానెల్ వారు ఎలా కవర్ చేసుకుంటారో చూడాలి.
