ఫైటర్స్ రామ్ లక్ష్మణ్ కి నటనలో కూడా ప్రవేశం వుంది. యాక్షన్ నెం.1, ఒక్కడే కాని ఇద్దరు చిత్రాలలో నటించారు. తర్వాత నటనకు పుల్ స్టాప్ పెట్టి పూర్తి స్థాయి యాక్షన్ కొరియోగ్రఫర్స్ గా కొనసాగుతున్నారు. దాదాపు అగ్ర హీరోల చిత్రాలలో రామ్ లక్ష్మణ్ ఫైట్స్ వుండాల్సిందే. కొందరు దర్శకులకు ఆస్థాన యాక్షన్ డైరెక్టర్ గా కూడా వ్యవహరిస్తున్న ఈ ఇద్దరు బ్రదర్స్.. ఇప్పుడు మెగా ఫోన్ పడుతున్నారు. త్వరలో ఓ చిత్రానికి దర్శకత్వం వహించనున్నారు.

బెల్లంకొండ శ్రీనివాస్ కి ఇటివలే ఓ కథ చెప్పారు రామ్ లక్ష్మణ్. కథ శ్రీనివాస్ కి నచ్చింది. పూర్తి స్థాయి యాక్షన్ వున్న చిత్రమిది. పాన్ ఇండియా లెవల్ లో ఈ సినిమాని తీర్చిదిద్దాలనేది ఆలోచన. ఐతే ప్రస్తుతం బెల్లంకొండ చేతిలో దాదపు మూడు సినిమాలు వున్నాయి. అందులో ఓ సినిమా పూర్తి చేసిన తర్వాత రామ్ లక్ష్మణ్ సినిమా సెట్స్ పైకి వెళ్ళే అవకాశం వుంది. ఈ గ్యాప్ లో ఈ చిత్రానికి సంబధించిన ప్రీప్రొడక్షన్ పనులు జరగనున్నాయి.