ఇటీవ‌లే ‘తండేల్‌’తో ఓ సూప‌ర్ హిట్ కొట్టారు చందూ మొండేటి. ఆయ‌న తదుప‌రి సినిమాపై స్ప‌ష్ట‌త రావాల్సివుంది. త‌మిళ క‌థానాయ‌కుడు సూర్య కోసం ఓ క‌థ సిద్ధం చేశారు చందూ. ఆయ‌న‌కు వినిపించారు కూడా. సూర్య‌కు కూడా క‌థ నచ్చింది. కాక‌పోతే సూర్య ఇప్పుడు బిజీగా ఉన్నారు. వ‌రుస‌గా సినిమాలు ఒప్పుకొంటున్నారు. సూర్య డేట్లు దొర‌కాలంటే కొంత కాలం ఆగాలి. ఈలోగా గీతా ఆర్ట్స్‌లో చందూ ఓ సినిమా పూర్తి చేస్తార‌ని టాక్‌.

యువ క‌థానాయ‌కుడు రామ్ కోసం ఓ క‌థ‌ని చందూ రెడీ చేస్తున్నార‌ని స‌మాచారం అందుతోంది. ఇటీవ‌లే… రామ్ ని సైతం చందూ మొండేటి క‌లిశార‌ని, త‌న ఐడియా చెప్పార‌ని, రామ్ కూడా చందూతో సినిమా చేయ‌డానికి ఉత్సాహంగా ఉన్నార‌ని ఇన్ సైడ్ వ‌ర్గాలు చెబుతున్నాయి. ఈ సినిమానీ గీతా ఆర్ట్స్ నిర్మించే అవ‌కాశాలు ఉన్నాయి. ప్ర‌స్తుతం రామ్ ‘ఆంధ్రా కింగ్ తాలుకా’ (వ‌ర్కింగ్ టైటిల్స్) అనే సినిమాలో న‌టిస్తున్నారు. అన్నీ కుదిరితే ఇది పూర్త‌య్యాక చందూతో సినిమా ప‌ట్టాలెక్కించే ఛాన్స్ వుంది. త్వ‌ర‌లో పూర్తి వివ‌రాలు తెలుస్తాయి.