రామ్ పోతినేని, పూరీ జగన్నాథ్ ఇస్మార్ట్ శంకర్ సీక్వెల్ ‘డబుల్ ఇస్మార్ట్’తో అలరించబోతున్నారు. రామ్‌కి పుట్టినరోజు శుభాకాంక్షలు తెలియజేస్తూ మేకర్స్ ‘డబుల్ ఇస్మార్ట్’ టీజర్ విడుదల చేశారు. ల్యాబ్‌లో ఉన్న హీరో పూరి మార్క్ లో చెప్పే డైలాగ్స్ తో టీజర్ ప్రారంభమైంది.
రామ్ ఉస్తాద్ ఇస్మార్ట్ శంకర్ అలియాస్ డబుల్ ఇస్మార్ట్‌గా మాస్ గెటప్ లో కనిపించాడు . సంజయ్ దత్ బిగ్ బుల్ గెటప్ విలనిజం పూరి మార్క్ లోనే వుంది. ఇస్మార్ట్ శంకర్ లానే , డబుల్ ఇస్మార్ట్ కూడా లార్డ్ శివ ఎలిమెంట్ వుంది. క్లైమాక్స్ ఫైట్ అఘోరాలతో ప్లాన్ చేసినట్లు తెలుస్తోంది.
టీజర్ పూరి మార్క్ తో నిండిపోయింది. హైదరాబాదీ యాసలో రామ్ పేల్చిన వన్-లైనర్లు మాస్ ని ఆకట్టుకునేలా వున్నాయి . అలీని ఎప్పటిలానే ఫన్నీ రోల్‌లో చూపించారు. మణిశర్మ నేపథ్య సంగీతం మాస్ మూడ్‌ని ఎలివేట్ చేస్తుంది. స్టెప్పా మార్, కిరి కిరీ సౌండ్స్ క్యాచిగా వున్నాయి. మొత్తానికి మాస్ ని దృష్టిలో పెట్టుకొని డబుల్ మాస్ గా ఈ స్వీక్వెల్ చేస్తున్నారని టీజర్ హింట్ ఇచ్చింది.
