తెలుగులో త‌మిళ స్టార్స్‌ల హ‌వా ఎక్కువైంది. అక్క‌డి హీరోయిన్లు ఎప్పుడో టాలీవుడ్ లో లాండ్ అయిపోయారు. హీరోలు సైతం స్ట్ర‌యిట్ తెలుగు సినిమా చేయాల‌ని ఉవ్వీళ్లూరుతున్నారు. విల‌న్ల‌కంటారా.. వాళ్ల‌కెప్ప‌టి నుంచో గిరాకీ. రామ్ హీరోగా లింగు స్వామి ద‌ర్శ‌క‌త్వంలో ఓ సినిమా తెర‌కెక్కుతున్న సంగ‌తి తెలిసిందే. ఇది తెలుగు, త‌మిళ భాష‌ల్లో ఒకేసారి రూపుదిద్దుకుంటోంది. రామ్ తొలిసారి చేస్తున్న త‌మిళ సినిమా కాబ‌ట్టి.. ప్ర‌తినాయ‌కుడిగా ఓ త‌మిళ హీరోని తీసుకోవాల‌ని ముందే ఫిక్స‌యిపోయారు. ఆ లిస్టులో చాలామంది పేర్లు ప‌రిశీలించాక… లింగుస్వామి దృష్టి ఆర్య ద‌గ్గ‌ర ఆగిన‌ట్టు స‌మాచారం
కొన్ని డ‌బ్బింగ్ సినిమాల‌తో ఆర్య తెలుగు ప్రేక్ష‌కుల‌కు ప‌రిచ‌య‌మే. `వ‌రుడు`లో విల‌న్‌గానూ క‌నిపించాడు. ఇప్పుడు రామ్ సినిమా కోసం త‌న పేరు దాదాపుగా ఫిక్స‌యిన‌ట్టు స‌మాచారం. ఈసినిమాలో రామ్ పాత్ర‌కు ధీటుగా ఆర్య పాత్ర ఉండ‌బోతోంద‌ని తెలుస్తోంది. ఆర్య సిక్స్‌ప్యాక్ లోనూ క‌నిపించ‌బోతున్నాడ‌ట. అయితే. ఆర్య ఎంపిక‌పై అధికారిక స‌మాచారం రానుంది. కృతి శెట్టి ఇందులో క‌థానాయిక. దేవిశ్రీ ప్ర‌సాద్ సంగీతం అందిస్తున్నాడు.
