ఆకాష్ పూరి రొమాంటిక్ సినిమాకి స్పెషల్ ఎట్రాక్షన్లు చేరిపోతున్నాయి. పూరి స్వయంగా ఈ సినిమాకి కథ, మాటలు, స్క్రీన్ ప్లే రాశారు. శివగామి రమ్యకృష్ణ సినిమాలో కీలక పాత్ర చేసింది. ప్రభాస్ ఈ సినిమా ప్రమోషన్స్ లో భాగమయ్యారు. విజయ్ దేవరకొండ రొమాంటిక్ ప్రీ రిలీజ్ ఈవెంట్ లో హంగామా చేశాడు. ఇప్పుడు ఈ సినిమా గురించి మరో స్పెషల్ ఎట్రాక్షన్ తెలిసింది. ఈ సినిమాలో హీరో రామ్ , పూరి గెస్ట్ ఎప్పిరియన్స్ లో కనిపిస్తారట.

రొమాంటిక్ లో ‘పీనే కే బాద్‌’ అనే పబ్ సాంగ్ వుంది. ఇప్పటికే లిరికల్ వీడియో రిలీజ్ చేశారు. పూరి జగన్నాథ్, భాస్కరభట్ల కలసి రాసిన ఈ పాట లిరిక్స్ క్యాచిగా అనిపించాయి. విశేషం ఏమిటంటే .. ఇదే పాటలో హీరో రామ్ , పూరి కనిపిస్తారట. రామ్ కనిపించడమే కాదు మాస్ స్టెప్పులు కూడా వేస్తాడని తెలిసింది. రామ్ మంచి డ్యాన్సర్. సో రామ్ డ్యాన్స్ రూపంలో రొమాంటిక్ లో మరో స్పెషల్ ఎట్రాక్షన్ చేరిపోయినట్టే.