సాయిధ‌ర‌మ్ తేజ్ – దేవాక‌ట్టా కాంబినేష‌న్‌లో ఓ చిత్రం తెర‌కెక్కుతోంది. నివేదా పేతురాజ్ క‌థానాయిక‌గా ఎంపికైంది. ఇదో పొలిటిక‌ల్ థ్రిల్ల‌ర్‌. రాజ‌కీయ రంగంలో ఎత్తులూ, పై ఎత్తులూ, వెన్నుపోట్లూ… ఈ క‌థ‌లో కీల‌క‌మైన అంశాలు. ఈ చిత్రంలో ఓ కీల‌క‌మైన పాత్ర‌కు ర‌మ్య‌కృష్ణ‌ని ఎంచుకున్నారు. ఆమె ముఖ్య‌మంత్రి పాత్ర‌లో క‌నిపించ‌బోతున్నార‌ని స‌మాచారం. ఓర‌కంగా విల‌న్ పాత్రే అనుకోవాలి. ఆ పాత్ర‌లో నెగిటీవ్ ల‌క్ష‌ణాలు ఎక్కువ‌గా క‌నిపిస్తాయ‌ని తెలుస్తోంది. ప్ర‌స్థానం కూడా పొలిటిక‌ల్ థ్రిల్ల‌రే. కానీ.. అందులో ఎమోష‌న్స్‌ని బాగా మిక్స్ చేశాడు దేవాక‌ట్టా. ఈసారీ అదే పంథాలో ఈ క‌థ‌ని రాసుకున్నాడ‌ట‌. క‌మ‌ర్షియ‌ల్ హంగులు సైతం ఎక్క‌డక‌క్క‌డ వాటిని హైలెట్ చేస్తూ, ఈ సినిమాని ఓ క‌మ‌ర్షియ‌ల్ పొలిటిక‌ల్ ఎంట‌ర్‌టైన‌ర్‌గా మ‌ల‌చ‌బోతున్నాడ‌ని తెలుస్తోంది. ఇటీవ‌లే ఈ చిత్రానికి క్లాప్ కొట్టారు. లాక్ డౌన్ ముగిశాక‌.. రెగ్యుల‌ర్ షూటింగ్ ప్రారంభం కానుంది.