ర‌మ్య‌కృష్ణ త‌ల‌బిరుసున్న వ్య‌క్తిగా న‌టిస్తున్నారా? ఆమె పాత్ర పొగ‌రుగా వ్య‌వ‌హ‌రిస్తుందా? అంటే `అవును…` అనే అంటున్నాయి `దేవ్‌` వ‌ర్గాలు. ఈ చిత్రంలో ర‌కుల్ ప్రీత్ సింగ్ త‌ల్లిగా న‌టించారు ర‌మ్య‌కృష్ణ‌. శివ‌గామి ఈ చిత్రంలో సింగిల్ మ‌ద‌ర్‌గా క‌నిపించ‌నున్నారు. భ‌ర్త‌కు దూరంగా ఒంటిచేత్తో అమ్మాయిని పెంచ‌డ‌మే కాకుండా, త‌న చుట్టూ ఓ సామ్రాజ్యాన్ని ఏర్ప‌ర‌చుకున్న మ‌హిళ‌గా ఆ పాత్ర‌ను డిజైన్ చేశార‌ట ద‌ర్శ‌కుడు ర‌జ‌త్ ర‌విశంక‌ర్‌. ఆమె వేసే ప్ర‌తి అడుగులోనూ, ఆమె ప్ర‌తి మాట‌లోనూ ఒక‌ర‌క‌మైన ఆత్మ‌విశ్వాసం, స్వ‌యంకృషితో ఎదిగిన ఆత్మ‌స్థైర్యం, ధీమా ఉంటాయ‌ని స‌మాచారం. ఈ నెల 14న `దేవ్‌` ప్రేక్ష‌కుల ముందుకు రానుంది.

ఇది ప్రేమ క‌థా చిత్ర‌మ‌నే బ‌జ్ ముందు నుంచీ ఉన్న‌ప్ప‌టికీ, ఇది ప్ర‌తి విష‌యాన్నీప్రేమించాల‌ని, ప్రేమించ‌డ‌మంటే పండుగ‌లాంటిద‌ని చెప్పే సినిమా అని కోలీవుడ్ టాక్‌. ఈ సినిమా కోసం బరువు త‌గ్గి కార్తీ నాజూగ్గా మారాడు. మ‌రోవైపు ప్ర‌కాష్ రాజ్ `సీత‌మ్మ‌వాకిట్లో సిరిమ‌ల్లె చెట్టు` త‌ర‌హా పాత్ర‌లో కార్తీ తండ్రిగా క‌నిపిస్తారు. విలువ‌ల‌కు విలువిచ్చే కేర‌క్ట‌ర్ ఆయ‌న‌ది. సో సాఫ్ట్ ప్ర‌కాష్ రాజ్‌, స్ట్రాంగ్ హెడ్‌ ర‌మ్య‌కృష్ణ తెర‌పై పోటాపోటీగా క‌నిపిస్తార‌న్న‌మాట‌. ఆల్రెడీ `శైల‌జారెడ్డి అల్లుడు`లో అత్త పాత్ర‌లో మెప్పించిన ర‌మ్యకు .. ఇప్పుడు `దేవ్‌` ఎలాంటి క్రేజ్ తెస్తాడో చూడాలి