‘ఈ న‌గ‌రానికి ఏమైంది’ ఫేమ్‌ విశ్వ‌క్ సేన్‌కి మంచి అవ‌కాశాలే వ‌స్తున్నాయి. నాని తాను నిర్మించ‌బోయే సినిమాలో విశ్వ‌క్‌ని క‌థానాయ‌కుడిగా ఎంచుకున్నాడు. త్వ‌ర‌లోనే ఈ సినిమా మొద‌లు కాబోతోంది. ఇప్పుడు రానా కూడా విశ్వ‌క్ సేన్‌తో ఓ సినిమా చేయ‌బోతున్నాడు. ఈ మ‌ధ్య రానా నిర్మాణ రంగంపైనా దృష్టి సారించాడు. సురేష్ ప్రొడ‌క్ష‌న్స్ లో `కంచ‌ర‌పాలెం` సినిమాని రూపొందించాడు. ఇప్పుడు మ‌ళ్లీ అలాంటి ప్ర‌య‌త్న‌మే చేయ‌బోతున్నాడు తెలుస్తోంది. త్వ‌ర‌లోనే విశ్వ‌క్‌సేన్‌తో రానా ఓ సినిమా చేయ‌డానికి ప్లాన్ చేస్తున్నాడ‌ట‌. విశ్వ‌క్ సేన్ ద‌ర్శ‌కత్వం వ‌హిస్తూ న‌టించిన `ఫ‌ల‌క్‌నుమాదాస్‌`ని సురేష్ ప్రొడ‌క్ష‌న్స్ సంస్థ నిర్మించింది. ఈ సినిమాకి ఓపెనింగ్స్ బాగానే వ‌స్తున్నాయి. అందుకే విశ్వ‌క్ బిజీ అవుతున్నాడేమో. మ‌రోవైపు విశ్వ‌క్ సేన్‌తో ఎమ్‌.ఎస్‌.రాజు ఓ సినిమా రూపొందిచ‌నున్నారు. `కార్ట్యూన్‌` అనే మ‌రో చిత్రం కూడా సెట్స్‌పై ఉంది.