‘హిట్’ ఫ్రాంచైజీని నాని కొన‌సాగించాల‌నుకొంటున్నాడు. ఇప్ప‌టి వ‌ర‌కూ హిట్, హిట్ 2 వ‌చ్చాయి. వాటికి నాని కేవ‌లం నిర్మాత మాత్ర‌మే. హిట్ 3లో హీరోగా, నిర్మాత‌గా ద్విపాత్రాభిన‌యం చేయ‌బోతున్నాడు. శైలేష్ కొలను ద‌ర్శ‌కుడు. ఈ సినిమాలో రానా ప్ర‌తినాయ‌కుడిగా కనిపించే అవ‌కాశాలున్నాయ‌ని తెలుస్తోంది. నాని, రానాల మ‌ధ్య మంచి స్నేహం ఉంది. ఓ అవార్డు వేడుక‌కు ఇద్ద‌రూ హోస్ట్‌లుగా వ్య‌వ‌హ‌రించారు. క‌లిసి తెర పంచుకోవ‌డం ఇదే తొలిసారి. ఇప్ప‌టికే శైలేష్ కొలను క‌థ రెడీ చేసిన‌ట్టు స‌మాచారం. నాని కూడా ఈ క‌థ‌కు గ్రీన్ సిగ్న‌ల్ ఇచ్చేశాడు. కాక‌పోతే.. ఎప్పుడు సెట్స్‌పైకి వెళ్తుంతో చూడాలి.
నాని చేతిలో ‘స‌రిపోదా శ‌నివారం’ సినిమా ఉంది. శేఖ‌ర్ క‌మ్ముల‌తో నాని ఓ సినిమా చేస్తాడ‌ని ప్ర‌చారం జ‌రుగుతోంది. `ద‌స‌రా` ద‌ర్శ‌కుడు శ్రీ‌కాంత్ ఓదెల‌తో మరో సినిమా చేయ‌డానికి నాని రెడీ అవుతున్నాడు. వీటి మ‌ధ్య ‘హిట్ 3’ని ఫినిష్ చేయాల్సి ఉంటుంది. ‘హిట్’ అనేది ఓ ఇన్వెస్టిగేష‌న్ థ్రిల్ల‌ర్‌. సైకోల‌ను ప‌ట్టుకోవ‌డానికి హీరో రంగంలోకి దిగుతాడు. ఆ ఫార్మెట్ లో చూస్తే.. ‘హిట్ 3’లో రానా సైకో కిల్ల‌ర్‌ గా కనిపించే ఛాన్స్ లే ఎక్కువ.
