తొలి సినిమా.. ఊహ‌లు గుస‌గుస‌లాడేతోనే ఆక‌ట్టుకొంది రాశీఖ‌న్నా! ఉత్త‌రాది భామే అయినా… ద‌క్షిణాది ప్రేక్ష‌కుల అభిరుచుల‌కు అనుగుణంగా న‌డుచుకోవ‌డంతో ఆమెకు మంచి మార్కులు ప‌డ్డాయి. అందం, అభిన‌యం మేళ‌వించిన చాతుర్యం కూడా ఆక‌ట్టుకొంది. ఎక్స్‌పోజింగ్ చేయమంటే వై అని క్వ‌శ్చ‌న్ చేయ‌కుండా వ‌చ్చిన ప్ర‌తీ అవ‌కాశాన్నీ వినియోగించుకొంది రాశీ. బెంగాల్ టైగ‌ర్‌లో త‌మ‌న్నా అందాల‌కే గ‌ట్టి పోటీ ఇచ్చి అంద‌రినీ విస్మ‌య‌ప‌రిచింది. ఇది వ‌ర‌కు బొద్దుగా క‌నిపించిన రాశీ తర్వాత‌ర్వాత.. స‌న్న‌బ‌డింది. దానికీ ఓ కార‌ణం ఉందంటోంది రాశీ.
”తెలుగువారికి బొద్దుగా ఉంటేనే న‌చ్చుతుంద‌ని అనుకొన్నా. అందుకే నా తొలి సినిమాలో లావుగా క‌నిపించా. కానీ నా అభిప్రాయం త‌ప్ప‌ని త‌ర‌వాత తెలిసింది. లావు, సన్నం అన్న‌ది ఇక్క‌డ స‌మ‌స్య కాదు. ప్రేక్ష‌కుల‌కు న‌చ్చాలంతే. ఆ విష‌యం తెలుసుకొని స్లిమ్ అవ్వ‌డం మొద‌లెట్టా…” అంటోంది రాశీ. జిల్ సినిమా త‌ర‌వాత 5 కేజీలు త‌గ్గింద‌ట. మున్ముందు ఇంకా బ‌రువు త‌గ్గిస్తానంటోంది. ”లావుగా ఉన్న‌ప్పుడు కొన్ని స‌మ‌స్య‌ల్ని ఎదుర్కొన్నా. ఇప్పుడు ప్రాణం హాయిగా ఉంది. అలాగ‌ని ఆహార అల‌వాట్ల‌ని వ‌దులుకోలేదు. అన్నీ తింటున్నా. కానీ బ‌రువు అదుపులో ఉంచుతున్నా. రేప్పొద్దుట నా పాత్ర కోసం మళ్లీ లావుగా మారాలన్నా నేను రెడీనే” అని చెబుతోంది.
