బుల్లితెర మీద తన అందాల విందు చేసిన యాంకర్ రష్మి ప్రస్తుతం తన అంద చందాలన్ని రంగరించి చేసిన గుంటూర్ టాకీస్ మరో మూడు రోజుల్లో రిలీజ్ అవుతుంది. ట్రైలర్స్, పోస్టర్స్ అంతా గుంటూర్ టాకీస్ లో చేసిన హాట్ రొమాన్స్ గురించే మాట్లాడేలా చేస్తున్నాయి. అయితే రష్మికి ఈ సినిమా ఎంత క్రేజ్ తెచ్చిందో సినిమా రిలీజ్ ముందే తెలిసిపోయింది. అదెలా అంటే ఊహించని ఓ లక్కీ ఆఫర్ పట్టేసిందట రష్మి గౌతం.
సూపర్ స్టార్ మహేష్, మురుగదాస్ కాంబినేషన్ లో ఎంతో ప్రతిష్టాత్మకంగా ఓ సినిమా తెరకెక్కబోతుంది. పారాస్ జైన్, ఠాగూర్ మధులు నిర్మిస్తున్న ఈ సినిమాలో మహేష్ తో పాటుగా స్క్రీన్ షేర్ చేసుకోనుందట రష్మి. ఏంటి మహేష్ పక్కన రష్మి హీరోయిన్ గానా అని అనుకోవచ్చు. రష్మి సినిమాలో హీరోయిన్ గా కాదు కాని ఓ చిన్న పాత్ర చేసే అవకాశాలున్నాయని తెలుస్తుంది.
ప్రస్తుతం దీనికి సంబంధించిన చర్చలు కొనసాగిస్తున్నారట దర్శక నిర్మాతలు. గుంటూర్ టాకీస్ హిట్ అయితే రష్మికి వరుసగా ఆఫర్ లు వచ్చే అవకాశాలు ఉన్నాయి. మరి సూపర్ స్టార్ మహేష్ సినిమాలో చిన్న రోల్ అయినా అది క్లిక్ అయితే కనుక రష్మికి ఇక తిరుగులేనట్టే.
