ఇప్పుడంటే కాస్త తగ్గింది కానీ ఒకప్పుడు బాలీవుడ్ అంటే హీరోయిన్స్ కి ఓ ప్రత్యేకమైన ఆకర్షణ. ఏ పరిశ్రమలో ఎన్ని హిట్లు వున్నా, ఆరాధించే అభిమానులు వున్నా వారి దృష్టి మాత్రం ‘బాలీవుడ్ హీరోయిన్’ అనిపించుకోవాలనే వుండేది. సౌత్ లో పేరు తెచ్చుకున్న కాజల్, తమన్నా, త్రిష‌, రకుల్ .. ఇలా ఎంతోమంది బాలీవుడ్ లో అదృష్టం పరీక్షించుకున్నారు. వారి తర్వాత వచ్చిన రష్మిక కూడా బాలీవుడ్ అంటే ఇష్టం వుంది.

గుడ్ బై సినిమాతో బాలీవుడ్ ఎంట్రీ ఇచ్చింది రష్మిక. అమితాబ్ లాంటి వెటరన్స్ తో నటించాననే తృప్తి ఆ సినిమా ఆమెకు పెద్దగా కలిసిరాలేదు, తర్వాత మిషన్ మజ్ను చేసింది. నిజానికి ఈ సినిమాపై చాలా నమ్మకాలు పెట్టుకుంది. కానీ ఈ సినిమా థియేటర్ రిలీజ్ కి నోచుకోలేకపోయింది. నేరుగా ఓటీటీలో రిలీజ్ కావడంతో అనుకున్నంత రీచ్ రాలేదు. ఆ త‌ర‌వాత `యామిన‌ల్‌` పెద్ద హిట్టు కొట్టింది. అయితే విచిత్రంగా ఆ పేరంతా హీరో, ద‌ర్శ‌కుల ఖాతాలోకే వెళ్లిపోయింది. త‌న గురించి ప్ర‌త్యేకంగా ఎవ‌రూ మాట్లాడుకోలేదు.

ఇప్పుడు మరో బాలీవుడ్ సినిమాలో భాగమైయింది. విక్కీ కౌశల్ హీరోగా తెరకెక్కుతున్న చిత్రం ‘ఛావా’. ఛత్రపతి శివాజీ బయోపిక్ ఇది. ఇందులో శివాజీ భార్య పాత్రలో కనిపించనుంది రష్మిక. తాజాగా టీజర్ వదిలారు. కేవలం వార్ సీన్లు మాత్రం చూపించిన ఈ టీజర్ లో రష్మికకి చోటు దక్కలేదు. కాస్త భారీ బడ్జెట్ తోనే సినిమాని నిర్మిస్తున్నారు. ఈ సినిమాతో బాలీవుడ్ తనకంటూ ఒక ఫేం తెచ్చుకోవాలని ప్రయత్నిస్తోంది రష్మిక. మరి ఆమె ఆశలు ఏ మేరకు నెరవేరుతాయో చూడాలి.