ర‌ష్మిక ఇప్పుడు టాలీవుడ్ ఇండ‌స్ట్రీలో హాట్ కేక్‌. చిన్న చిన్న సినిమాలు చేసుకుంటూ ల‌క్కీ హీరోయిన్‌గా మారిపోయింది. `చ‌లో`, `గీత గోవిందం`, `దేవ‌దాస్‌` సినిమాల‌తో హ్యాట్రిక్ హిట్ కొట్టిన ర‌ష్మిక ప్ర‌స్తుతం `డియ‌ర్ కామ్రేడ్` చేస్తోంది. ఈ సినిమా త‌ర్వాత ర‌ష్మిక `భీష్మ‌` సినిమా చేయాల్సింది. `భీష్మ‌`లో నితిన్ హీరో. హారిక హాసిని సంస్థ నిర్మిస్తోంది. అయితే తాజాగా హారిక హాసిని సంస్థ ఆమె కాల్షీట్‌ను `అల్లు అర్జున్‌` సినిమాకు షిఫ్ట్ చేసింద‌ట‌. అల్లు అర్జున్ హీరోగా త్రివిక్ర‌మ్ ద‌ర్శ‌క‌త్వంలో ఓ సినిమా ఓకే అయిన సంగ‌తి తెలిసిందే. ఈ సినిమాకు హారిక హాసిని సంస్థ ఒన్ ఆఫ్ ద ప్రొడ్యూస‌ర్స్. సో ఆల్రెడీ త‌మ ద‌గ్గ‌రున్న ర‌ష్మిక కాల్షీట్ల‌ను వాళ్లు అల్లు అర్జున్ సినిమాకు షిప్ట్ చేశార‌ట‌. బ‌న్ని – త్రివిక్ర‌మ్ సినిమాలో ముగ్గురు హీరోయిన్ల‌కు ఛాన్స్ ఉంద‌ని టాక్‌. సో వాళ్ల‌ల్లో ర‌ష్మిక ఒక హీరోయిన్ అని అర్థం. మరి ఈ సినిమా త‌ర్వాత ఆమె `భీష్మ‌` చేస్తుందా? లేకుంటే ముందుగానే కాల్షీట్ అడ్జస్ట్ చేసిందా? అస‌లు చేయ‌డం లేదా? అనేది తెలియాలంటే మాత్రం వెయిట్ అండ్ వాచ్‌… అంతే.