రవితేజ ధమాక పాటలన్నీ సూపర్ హిట్స్. సినిమాకి కావాల్సిన బజ్ ని క్రియేట్ చేశాయి పాటలే. అయితే ఇప్పుడు ‘రావణాసుర’ ఆడియో మాత్రం అంత హైప్ క్రియేట్ చేయలేకపోతుంది. ఇప్పటి వరకూ వచ్చిన రెండు పాటలు పెద్దగా క్లిక్ అవ్వలేదు. తాజాగా వెయ్యినొక్క జిల్లాల పాటని వదిలారు. వెంకటేష్ సూర్య ఐపీఎస్ సినిమాలో సూపర్ హిట్ పాటిది. దిన్నె రీమిక్స్ చేశారు.
అయితే రీమిక్స్ మాత్రం సరిగ్గా కుదరలేదు. సూర్య ఐపీఎస్ పాటలో ఓ మంచి మ్యాజిక్ వుంటుంది. ఇళయరాజ బాణీ, సిరివెన్నెల సాహిత్యం బాలు గానం.. ఇప్పటికీ ఎవర్ గ్రీన్. కానీ ఈ పాటలో ఆ మ్యాజిక్ రిక్రియేట్ కాలేదు. అసలు ఒరిజినల్ ట్యూన్ నే మార్చేసినట్లుగా అనిపించింది. డీజే మిక్స్ చేసినట్లు సాహిత్యం కూడా సరిగ్గా వినిపించలేదు.
ఈ మధ్య ఎన్నో రాత్రుల వస్తాయి గానీ పాటని రీమిక్స్ చేశారు. ఒరిజినల్ ఎక్కాడా చెడిపోకుండా పాట కూడా ఎస్పీ చరణ్ తో పాడించి మెప్పించారు. కానీ వెయ్యినొక్క పాటకి వచ్చేసరికి సింగర్ కూడా రాంగ్ ఛాయిస్ అనిపించింది. మధ్యలో ఇంగ్లీష్ ర్యాప్ ట్యూన్ ని మరింత ఇబ్బంది పెట్టింది. రావణాసుర క్రైమ్ థ్రిల్లర్. పాటలకు అవకాశం తక్కువ. అయితే రీమిక్స్ పాట రూపంలో వున్న ఈ మంచి ఛాన్స్ ని కూడా వదులుకున్నట్లయింది.
