ర‌విబాబు టైమ్ అస్స‌లు బాలేదు. వ‌చ్చిన సినిమా వ‌చ్చిన‌ట్టు వెళ్లిపోతుంది. త‌న సృజ‌న, కొత్త ఆలోచ‌న‌లు, క్రియేటివిటీ ఏమైపోయాయో అర్థం కాకుండా పోయాయి. న‌మ్ముకున్న థ్రిల్ల‌ర్లు ముంచేశాయి. కామెడీ ట్రాకు త‌ప్పింది. అందుకే ఈసారి అడ‌ల్ట్ కామెడీ న‌మ్ముకున్నాడ‌నిపిస్తోంది. అవును.. ర‌విబాబు త‌న కొత్త సినిమా మొద‌లెట్టేశాడు. దీనికి `క్ర‌ష్‌` అనే పేరు పెట్టాడు. ఈరోజు పోస్ట‌ర్ కూడా విడుద‌ల చేశారు. హీరోయిన్ ఫేస్‌ని దాచేస్తూ.. బికినీ భామ‌ని రంగంలోకి దింపాడు. ఆ బికినీ పాప‌ని చూస్తూ లొట్ట‌లేస్తున్న ముగ్గురు అబ్బాయిల పోజులు చూస్తుంటే ఇది అడ‌ల్ట్ కామెడీ అన్న అనుమానం నిజం అవుతోంది. జ‌న‌వ‌రి 24 నుండి రెగ్యుల‌ర్ షూటింగ్ ప్రారంభం కానుంది. వేస‌విలో విడుద‌ల చేయ‌డానికి ప్లాన్ చేస్తున్నారు. త్వ‌ర‌లోనే సినిమాకు సంబంధించిన న‌టీన‌టులు, సాంకేతిక నిపుణుల వివ‌రాల‌ను ప్ర‌క‌టిస్తామ‌ని చిత్ర యూనిట్ తెలియ‌జేసింది. ర‌విబాబు ద‌ర్శ‌కుడిగా మారిన తొలి సినిమా `అల్ల‌రి`లోనూ అడ‌ల్ట్ కామెడీ ల‌క్ష‌ణాలు కొన్ని క‌నిపిస్తాయి. అయితే అందులో ఫ‌న్ బాగా వ‌ర్క‌వుట్ అయ్యింది. ఈసారి పూర్తిగా బూతు, ద్వందార్థాల‌పై దృష్టి పెట్టిన‌ట్టున్నాడు. మ‌రి ఏం జ‌రుగుతుందో చూడాలి.
