ర‌వితేజ ఫుల్ స్వింగ్ లో ఉన్నాడు. వ‌రుస‌గా సినిమాల్ని ప‌ట్టాలెక్కిస్తున్నాడు. ఖిలాడీ విడుద‌ల‌కు సిద్ధంగా ఉంది. `రామారావు` సెట్స్‌పై ఉంది. ఈలోగా మ‌రో సినిమా మొద‌లెట్టేస్తున్నాడు. త్రినాథ‌రావు న‌క్కిన‌తో ఓ సినిమా ఎప్పుడో ఒప్పుకున్నాడు ర‌వితేజ. ఎట్ట‌కేల‌కు ఈ సినిమా మొద‌లు కాబోతోంది. సోమవారం హైద‌రాబాద్ లో షూటింగ్ ప్రారంభం కానుంది. అభిషేక్ అగ‌ర్వాల్, టీజీ విశ్వ ప్ర‌సాద్‌ ఈ చిత్రానికి నిర్మాత‌లు.

త్రినాథ‌రావుది కామెడీ మార్క్‌. గ‌త సినిమాలన్నీ అలానే సాగాయి. ఈసారి కూడా మంచి ఎంట‌ర్‌టైన‌ర్ ని సిద్ధం చేశారు. రామ్ తో `హ‌లో గురూ ప్రేమ కోస‌మే` త‌ర‌వాత త్రినాథ‌రావు చేస్తున్న సినిమా ఇదే. 2018లో విడుద‌లైన చిత్ర‌మిది. అంటే మూడేళ్లు గ్యాప్ వ‌చ్చింద‌న్న‌మాట‌. ఈ చిత్రానికి క‌థ‌, మాట‌లు ప్ర‌స‌న్న‌కుమార్ అందించారు. భీమ్స్ సంగీత ద‌ర్శ‌కుడు. క‌థానాయిక‌, ఇత‌ర న‌టీన‌టుల వివ‌రాలు తెలియాల్సివుంది.