చిరంజీవి – ర‌వితేజ మాస్ కాంబో ఎలా ఉంటుందో తెలియాలంటే…. `వాల్తేరు వీర‌య్య‌` చూడాలి. చిరంజీవి క‌థానాయ‌కుడిగా న‌టిస్తున్న ఈ చిత్రంలో ర‌వితేజ ఓ కీల‌క పాత్ర పోషిస్తున్న సంగ‌తి తెలిసిందే. ఈ సినిమా నుంచి ర‌వితేజ క్యారెక్ట‌ర్ కి సంబంధించిన ఇంట్రో టీజ‌ర్‌ని ఈ రోజు.. చిత్ర‌బృందం విడుద‌ల చేసింది.

”ఫ‌స్ట్ టైమ్ మేక‌పిల్ల‌ని ఎత్తుకొన్న పులిని చూస్తాండ‌” అనే డైలాగ్ తో ఈ టీజ‌ర్ మొద‌లైంది. ర‌వితేజ‌… ఓ చేతిలో మేక‌పిల్ల‌ని, మ‌రో చేతిలో గ్యాస్ సిలిండ‌ర్‌ని ప‌ట్టుకొని న‌డిచి వస్తున్న ప‌వ‌ర్ ఫుల్ సీన్‌, ఆ వెంట‌నే ఫైట్‌.. వాల్తేరు వీర‌య్య‌కు ఇచ్చిన ప‌వ‌ర్ ఫుల్ వార్నింగ్ తో ఈ టీజ‌ర్ క‌ట్ చేశారు.. ”ఏం రా.. వారీ పిస పిస చేస్తున్నావ్‌” అంటూ తెలంగాణ యాస‌లో ర‌వితేజ అద‌ర‌గొట్టాడు. ఈ సినిమాలో ర‌వితేజ పోలీస్ ఆఫీస‌ర్ పాత్ర‌లో క‌నిపించ‌బోతున్నాడు. చిరంజీవి స్మ‌గ్ల‌ర్‌గా న‌టిస్తున్నాడు. వీరిద్ద‌రి మ‌ధ్య జ‌రిగే `ఫైట్‌` వాల్తేరు వీర‌య్య క‌థా నేప‌థ్యం. దేవిశ్రీ ప్ర‌సాద్ ఈ చిత్రానికి సంగీతం అందించాడు. బాబి ద‌ర్శ‌కుడు. మైత్రీ మూవీస్ సంస్థ నిర్మిస్తోంది. ఈ సంక్రాంతికి ఈ చిత్రాన్ని ప్రేక్ష‌కుల ముందుకు తీసుకొస్తున్నారు.