ఎల్లుండి అనగా… శుక్రవారం రెండు సినిమాలు ప్రేక్షకుల ముందుకు వస్తున్నాయి. అందులో రవితేజ ‘నేల టిక్కెట్టు’ ఒకటి. నాగశౌర్య ‘అమ్మమ్మగారిల్లు’ మరొకటి. బాక్సాఫీస్ దగ్గర ఈ రెండు సినిమాల్లో ఏది విజేతగా నిలుస్తుందో? ఇద్దరు హీరోల్లో ఎవరో హిట్ ఎవరికి వస్తుందో? చూడాలి! ‘నేల టిక్కెట్టు’కి ముందు రవితేజ నటించిన సినిమా ‘టచ్ చేసి చూడు’. అటు విమర్శకులు, ఇటు ప్రేక్షకులు సినిమాను ఆదరించలేదు. దాంతో పేరు, పైసలు రెండూ రాలేదు. ‘అమ్మమ్మగారిల్లు’కి ముందు నాగశౌర్య నటించిన సినిమా ‘ఛలో’. విమర్శకుల దగ్గర పాస్ మార్కులు వేయించుకున్న సినిమా, బాక్సాఫీస్ దగ్గర ఫుల్ కలెక్షన్స్ సాధించింది. ఇక్కడ ఇంట్రెస్టింగ్ మేటర్ ఏంటంటే… ‘టచ్ చేసి చూడు’, ‘ఛలో’ ఒక్క రోజునే ప్రేక్షకుల ముందుకు వచ్చాయి. రెండిటి విడుదల తేదీ ఒక్కటే.. ఫిబ్రవరి 2. నాలుగు నెలల్లో మరోసారి రవితేజ, నాగశౌర్య సినిమాలు బాక్సాఫీస్ బరిలో దిగడం యాదృశ్చికమే కావొచ్చు. అయితే… ఈసారి హిట్ ఎవరికి వస్తుందోనని ఇండస్ట్రీ ఆసక్తిగా ఎదురు చూస్తోంది. అసలే ఇండస్ట్రీలో సెంటిమెంట్స్ ఎక్కువ కదా! రెండు సినిమాలు హిట్టయ్యి, హీరోలు ఇద్దరికి హిట్స్ వస్తే అందరూ హ్యాపీ!!
రవితేజ vs నాగశౌర్య… ఈసారి హిట్ ఎవరిదో?
