‘వచ్చాడంటే మోతర..విద్వంసాల జాతర’ అనే హుక్ లైన్ తో రవితేజ ఈగల్ రిలీజ్ ట్రైలర్ ని విడుదల చేశారు. ఈ ట్రైలర్ లో యాక్షన్ డైలాగులు నిండిపోయాయి. ”అక్కడ పదేళ్ళ నుంచి ఒక గాడ్జిల్లా’ వుందనే డైలాగ్ బాగా కనెక్ట్ అయ్యింది. ఇప్పటివరకూ ఈ సినిమా కథ ఏమిటనేది చెప్పలేదు. కానీ ఇందులో దళం అంటూ ఓ పోరాట నేపధ్యాన్ని చూపించారు. అడవి నేపధ్యంలో వచ్చే యాక్షన్ సీన్ కూడా చాలా ఆసక్తికరంగా వుంది. ‘దళం సైన్యం కాదు.. దేశం వచ్చినా ఆపుతాను’ అని రవితేజ చెప్పిన డైలాగ్ భారీగా వుంది. ట్రైలర్ లో డైలాగులు, బుల్లెట్ల మోత మోగించారు. రవితేజ లుక్ చాలా కొత్తగా వుంది. దర్శకుడు చాలా స్టయిలీష్ మేకింగ్ కనపరిచాడు. ప్రొడక్షన్ డిజైన్ బావుంది. నేపధ్య సంగీతం, కెమరాపనితనం చక్కగా కుదిరాయి. మొత్తానికి రిలీజ్ ట్రైలర్ మరింత ఆసక్తిని పెంచింది.