మ‌హేష్‌కి హ్యాండిచ్చి… అల్లు అర్జున్‌తో సినిమా ఫిక్స్ చేసుకుని మొత్తం ఇండ్ర‌స్ట్రీకే షాక్ ఇచ్చాడు సుకుమార్‌. స‌డ‌న్‌గా బ‌న్నీతో సినిమా ప్ర‌క‌టించేస‌రికి మ‌హేష్ కూడా కాస్త అయోమ‌యానికి లోన‌య్యాడు. వెంట‌నే తేరుకుని… ట్విట్ట‌ర్ ద్వారా సుకుమార్‌కి శుభాకాంక్ష‌లు చెప్పాడు. సృజ‌నాత్మ‌క విభేదాల వ‌ల్లే.. సుకుమార్ సినిమాని ప‌ట్టాలెక్కించ‌డం కుద‌ర్లేద‌ని చెప్పి, ఈ వివాదం మ‌రింత ముద‌ర‌కుండా చూశాడు.

ఆత‌ర‌వాత తెర వెనుక కొన్ని ఆస‌క్తిక‌ర‌మైన‌ ప‌రిణామాలు చోటు చేసుకున్నాయి. మ‌హేష్ సినిమా వ‌దిలేసి, బ‌న్నీ సినిమాని ప‌ట్టాలెక్కించ‌డానికి ప్ర‌ధాన సూత్ర‌ధారి అయిన అల్లు అర్జున్ – న‌మ్ర‌త‌ని క‌లుసుకుని – ప‌రిస్థితికి చ‌క్క‌దిద్దే ప్ర‌య‌త్నం చేశార‌ని వార్త‌లొచ్చాయి. ఇప్పుడు సుకుమార్ వంతు వ‌చ్చింది. మ‌హేష్ ట్వీట్ చేసిన త‌ర‌వాత కూడా ఏమాత్రం స్పందించ‌ని సుకుమార్‌.. ఇప్పుడు మ‌హేష్‌ని క‌లుసుకున్న‌ట్టు స‌మాచారం. `మ‌హ‌ర్షి` షూటింగ్ ప్ర‌స్తుతం చెన్నైలో జ‌రుగుతోంది. ఈ సంద‌ర్భంగా `మ‌హ‌ర్షి` సెట్‌కి సుకుమార్ వెళ్లాడ‌ని తెలుస్తోంది. మ‌హేష్‌ని క‌లుసుకుని.. బ‌న్నీతో సినిమా చేయడానికి గ‌ల కార‌ణాలు వివ‌రించిన‌ట్టు స‌మాచారం. అంతేకాదు.. ఈ టోట‌ల్ ఎపిసోడ్‌లో మ‌హేష్ మ‌న‌సు నొచ్చుకున్నందుకు సుకుమార్ `సారీ` కూడా చెప్పిన‌ట్టు విశ్వ‌స‌నీయ వ‌ర్గాలు చెబుతున్నాయి. మొత్తానికి సుకుమార్ కూడా ఈ ఇష్యూని చాలా స్మూత్‌గా డీల్ చేయడానికే ప్ర‌య‌త్నించాడు. భ‌విష్య‌త్తులో వీరిద్ద‌రూ క‌ల‌సి ప‌నిచేసినా, చేయ‌క‌పోయినా.. మ‌రీ ఈ విష‌యాన్ని సాగ‌దీయ‌కుండా ఎవ‌రి పంధాలో వాళ్లు ఓ ప‌రిష్కార మార్గాన్ని మాత్రం క‌నుక్కున్న‌ట్టైంది.