గ‌తేడాది ‘సామ‌జ‌వ‌ర‌గ‌మ‌న‌’తో ఓ మంచి హిట్ అందుకొంది రెబా మోనికా. ఆ సినిమా హిట్ట‌వ్వ‌డంతో ఆమెకు చాలా అవ‌కాశాలు వ‌చ్చాయి. కానీ ఓ మంచి బ్యాన‌ర్‌, మంచి హీరో అంటూ… మీన మేషాలు లెక్కెట్టింది రెబా. ఎట్ట‌కేల‌కు ఓ సినిమాపై సంత‌కం చేసింది. శ‌ర్వానంద్ క‌థానాయ‌కుడిగా సితార ఎంట‌ర్‌టైన్‌మెంట్స్ సంస్థ ఓ చిత్రానికి స‌న్నాహాలు చేస్తోంది. క‌ల్యాణ్ శంక‌ర్ ద‌ర్శ‌కుడు. ‘మాడ్`తో యూత్ ని ఆక‌ట్టుకొన్నాడు క‌ల్యాణ్‌. ఈ సినిమాని సితార ఎంట‌ర్‌టైన్‌మెంట్స్ సంస్థే తెర‌కెక్కించింది. ఆ సినిమా హిట్ట‌వ్వ‌డంతో అదే సంస్థ‌.. క‌ల్యాణ్‌తో మ‌రో సినిమా చేయ‌డానికి ముందుకొచ్చింది. నాగ‌వంశీ నిర్మాత‌. ప్ర‌స్తుతం శ‌ర్వానంద్ చేతిలో రెండు సినిమాలున్న‌ట్టు. ఓ సినిమాకు శ్రీ‌రామ్ ఆదిత్య ద‌ర్శ‌కుడు. పీపుల్ మీడియా ఫ్యాక్ట‌రీ ఈ చిత్రాన్ని నిర్మిస్తోంది. దీనికి ‘BOB’ అనే పేరు ఖ‌రారు చేసిన‌ట్టు తెలుస్తోంది.