సాయి ధరం తేజ్ రెజినాలు నటించిన రెండు సినిమాలు బాక్సాఫీస్ దగ్గర మంచి వసూళ్లను రాబట్టడంతో ఈ జోడితో మరో సినిమా రూపొందించేందుకు రంగం సిద్ధం చేస్తున్నారు. ప్రస్తుతం సాయి ధరం తేజ్ చేస్తున్న సుప్రీం, తిక్కలు దాదాపు షూటింగ్ పూర్తి కావొచ్చాయి. ఇక గోపిచంద్ తో సాయి సినిమా కూడా త్వరలోనే మొదలవబోతుంది.
అయితే ఆ సినిమాలో ఒక హీరోయిన్ గా ఇప్పటికే మెహెరిన్ కౌర్ ను సెలెక్ట్ చేసిన దర్శక నిర్మాతలు మరో హీరోయిన్ గా రెజినాను తీసుకోనున్నారట. నల్లమలుపు శ్రీనివాస్ (బుజ్జి) నిర్మిస్తున్న ఈ సినిమా స్పోర్ట్స్ బ్యాక్ గ్రౌండ్ లో ఉండబోతుందని సమాచారం. ముందు ఈ సినిమా వరుణ్ తేజ్ చేసే ఆలోచన చేయగా ఎందుకో డ్రాప్ అయ్యాడు. మరి సాయి రెజినాలు నటిస్తున్న మూడో సినిమా ఎలాంటి ఫలితాన్ని ఇస్తుందో చూడాలి.
ఇప్పటికే టాలీవుడ్ లో వీరిద్దరి మధ్య ఏదో జరుగుతుంది అని చెవులు కొరుక్కుంటున్నారు. మరి ముచ్చటగా మూడోసారి జతకట్టే ఈ జంట రాబోయే రూమర్ లను ఎలా ఫేస్ చేస్తుందో చూడాలి.
