వ‌ర్మ ఏం మార‌లేదు. ప‌వ‌న్ జోలికి రాను మహా ప్ర‌భో.. అంటూ ప‌వ‌న్ ఫ్యాన్స్ కి బైబై చెప్పేసిన వ‌ర్మ‌.. ఇప్పుడు కూడా త‌న పాత ప‌ద్ధ‌తి మార్చుకోలేదు. ప‌వ‌న్‌ని ఏదోలా టార్గెట్ చేస్తూ ట్విట్ట‌ర్లో హాట్ హాట్ కూత‌లు కూస్తూనే ఉన్నాడు. ఇప్పుడు ప‌వ‌న్ క‌ల్యాణ్‌కి కొత్త బిరుదు ఇచ్చాడు.. అదే బెగ్గ‌ర్ సింగ్‌. ప్ర‌త్యేక హోదా కోసం ప‌వ‌న్ క‌ల్యాణ్ ఇస్తున్న ట్విస్టు చూసి వ‌ర్మ ఇలా స్పందించాడు. ప్ర‌జ‌ల‌కు ఇప్పుడు గ‌బ్బ‌ర్ సింగ్ కావాలి.. బెగ్గ‌ర్ సింగ్ కాదు అంటూ సెటైర్లు వేస్తున్నాడు,. ఇలా బ‌తిమాలితే ప్ర‌త్యేక హోదా రాద‌ని, అందుకోసం పోరాడాల‌ని ప‌వన్‌కి హిత‌వు ప‌లికాడు. త‌న‌కు అధికారం క‌ట్ట‌బెట్టిన కాపుల‌ను ప‌వ‌న్ మ‌రింత బీద‌వారిని చేశాడంటూ.. ఎద్దేవా చేశాడు వ‌ర్మ‌. అదే స‌మ‌యంలో మంత్రి కేటీఆర్ ని తెగ పొగిడేశాడు. రియ‌ల్ ప‌వ‌ర్ స్టార్ అంటూ కితాబులు ఇచ్చాడు.

ప‌వ‌న్‌తో వ‌ర్మ ట్విట్ట‌ర్‌లో వైరం పెంచుకోవ‌డం ఇప్ప‌టిది కాదు. ఏడాది కాలంగా వ‌ర్మ‌ది ఇదే తంతు. ప‌వ‌న్ కూడా వ‌ర్మ‌కి గ‌ట్టిగానే బ‌దులు చెప్పాడు. త‌న‌లో స‌హ‌నం కోల్పోతే.. ఎదుట ఉన్న‌ది ఎంత పెద్ద మ‌నిషైనా వ‌దిలిపెట్ట‌న‌ని వ‌ర్మ‌కు చుర‌క అంటించాడు. ఆ త‌ర‌వాత ప‌వ‌న్ ఫ్యాన్స్ ని ఎప్పుడూ కెల‌క‌ను అంటూ.. వాళ్ల‌కు బైబై చెప్పాడు. మ‌ళ్లీ ఎందుకో వ‌ర్మ‌కు ప‌వ‌న్‌పై మ‌న‌సు మ‌ళ్లింది. ఇప్పుడు మ‌ళ్లీ ట్వీట్ల‌తో రెచ్చిపోతున్నాడు. ఇప్ప‌టికైనా ప‌వ‌న్ వ‌ర్మ‌కి స‌మాధానం చెబుతాడేమో చూడాలి.