ఈమ‌ధ్య ఎందుకో ప‌వ‌న్ క‌ల్యాణ్ ని అంత‌గా ప‌ట్టించుకోవ‌డం లేదు వ‌ర్మ‌. ట్వీట్ల‌లో, మాట‌ల్లో ప‌వ‌న్ ప్ర‌స్తావ‌న ఎక్క‌డా క‌నిపించ‌డం లేదు. చాలా రోజుల‌కు మ‌ళ్లీ ప‌వ‌న్ మాటెత్తాడు వ‌ర్మ‌. ‘ప‌వ‌న్‌ని ముఖ్య‌మంత్రిగా చూడాల‌నివుంది’ అంటూ సెటైర్ వేశాడు. ”ప‌వ‌న్‌ని చూడాలంటే ఇది వ‌ర‌కు సినిమా పేజీ వ‌ర‌కూ వెళ్లేవాళ్లం. ప‌వ‌న్ ముఖ్య‌మంత్రి అయితే ఫ్రంట్ పేజీలోనే చూడొచ్చు. ఓ అంద‌మైన ముఖ్య‌మంత్రిగా ఆయ‌న పేరు తెచ్చుకోగ‌ల‌రు” అంటూ త‌న‌దైన స్టైల్‌లో సెటైర్ వేశాడు. పాల్‌ని కూడా ఆయ‌న ముఖ్య‌మంత్రిగా చూడాల‌నుకుంటున్నార‌ట‌. అదెందుకు?? అని అడిగితే… ”ఇది వ‌ర‌కు కామెడీ సినిమా కోసం ఇది వ‌ర‌కు థియేట‌ర్‌కి వెళ్లేవాళ్లం. పాల్ ముఖ్య‌మంత్రి అయితే ఆ అవ‌స‌రం ఉండ‌దు” అని చ‌మ‌త్క‌రించాడు.

కేసీఆర్ బయోపిక్ తీస్తాన‌ని వ‌ర్మ అప్ప‌ట్లో చాలా హ‌డావుడి చేశాడు. ఆ తర‌వాత త‌న దృష్టి `ల‌క్ష్మీస్ ఎన్టీఆర్‌`పై ప‌డింది. “కేసీఆర్ బయోపిక్ త‌ప్ప‌కుండా తీస్తా.. అందుకు సంబంధించిన రీసెర్చ్ జ‌రుగుతుంది“ అంటూ క్లారిటీ ఇచ్చాడు వ‌ర్మ‌.