పెళ్లి సంద‌డి 2తో.. త‌న ఖాతాలో ఓ హిట్ వేసుకొన్నాడు శ్రీ‌కాంత్ త‌నయుడు రోష‌న్‌. చూడ్డానికి బాగున్నాడు. న‌ట‌న‌లో ఈజ్ కూడా ఉంది. అందుకే త‌న‌కు మంచి అవ‌కాశాలు వ‌చ్చాయి. పెళ్లి సంద‌డి త‌ర‌వాత ఎన్ని అవ‌కాశాలు వ‌చ్చినా, ఆచి తూచి అడుగులేశాడు. ఎట్ట‌కేల‌కు ఓ ప్రాజెక్ట్ ఓకే చేశాడు. క‌న్న‌డ ద‌ర్శ‌కుడు నంద కిషోర్ ద‌ర్శ‌క‌త్వంలో ఓ సినిమా చేయ‌డానికి ఒప్పుకొన్నాడు. ఈ సినిమాలో మోహ‌న్ లాల్ కూడా న‌టిస్తున్నారు. ఇదో పిరియాడిక‌ల్ ఎమోష‌న‌ల్ డ్రామా. మోహ‌న్ లాల్ – రోష‌న్ తండ్రీ కొడుకులుగా క‌నిపించ‌బోతున్నారు. ఈ చిత్రాన్ని పాన్ ఇండియా స్థాయిలో తీర్చిదిద్దుతున్నారు. ఈ నెల‌లోనే హైద‌రాబాద్ లో షూటింగ్ ప్రారంభ‌మ‌వుతుంది. రోష‌న్ న‌టించే తదుప‌రి సినిమా కూడా ఓకే అయిపోయింది. వైజ‌యంతీ మూవీస్‌లో రోష‌న్ ఓ సినిమా చేయ‌బోతున్నాడు. ఈ చిత్రంతో ప్ర‌దీప్ అద్వైతం ద‌ర్శ‌కుడిగా ప‌రిచ‌యం అవుతున్నాడు. ఇదో ప్రేమ క‌థ అని తెలుస్తోంది. త్వ‌ర‌లోనే ఈ ప్రాజెక్టుకి సంబంధించిన అధికారిక ప్ర‌క‌ట‌న కూడా రాబోతోంది.