బాహుబ‌లి త‌ర‌వాత రాజ‌మౌళి మ‌రో సంచ‌ల‌నానికి సిద్ధ‌మ‌య్యాడు. ఎన్టీఆర్ – రామ్ చ‌ర‌ణ్‌తో క‌లిసి ఓ సినిమా తెర‌కెక్కిస్తున్నాడు. `ఆర్.ఆర్.ఆర్`గా పిలుచుకుంటున్న ఈ సినిమా ఇప్పుడు కొత్త షెడ్యూల్ ప్రారంభించుకుంది. ఈరోజు ఉద‌యం.. ఆర్.ఆర్.ఆర్ రెండో షెడ్యూల్ ప్రారంభ‌మైంది. తొలి షెడ్యూల్‌లో ఎన్టీఆర్, చ‌ర‌ణ్‌ల‌పై కొన్ని యాక్ష‌న్ దృశ్యాల్ని తెర‌కెక్కించారు. ఆ త‌ర‌వాత కార్తికేయ పెళ్లి కోసం షూటింగ్‌కి బ్రేక్ ఇచ్చారు. సంక్రాంతి పండ‌గ పూర్త‌య్యాక… మ‌ళ్లీ ఈ సినిమా సెట్స్‌పైకి వెళ్లింది. ఈసారి ఎన్టీఆర్, చ‌ర‌ణ్‌ల‌పై కొన్ని కీల‌క‌మైన స‌న్నివేశాల్ని తెర‌కెక్కించ‌నున్నారు. ముగ్గురు క‌థానాయిక‌లకు ఈ క‌థ‌లో అవ‌కాశం ఉంది. వాళ్లెవ‌ర‌న్న‌ది ఇంకా తేల‌లేదు. కీర‌వాణి సంగీతం అందిస్తున్నారు. సింథిల్ కెమెరామెన్‌గా ప‌నిచేస్తున్నారు. 2020లో ఈ చిత్రం ప్రేక్ష‌కుల ముందుకు రానుంది.
