సమంత, విజయ్ దేవరకొండ కాంబినేషన్ లో ఖుషి సినిమా తెరకెక్కుతుంది. ఈ సినిమా షూటింగ్ కశ్మీర్‌లో జరుగుతుంది. అయితే సమంత, విజయ్ దేవరకొండ షూటింగ్‌లో గాయపడినట్లు వార్తలు వచ్చాయి. షూటింగ్ లో గాయపడ్డ వీరిద్దరినీ వెంటనే ఆసుపత్రికి తరలించి ప్రథమ చికిత్స అందించారని కొన్ని జాతీయ మీడియా పోర్టల్స్ లో కూడా వార్తలు కనిపించాయి.
ఐతే ఈ వార్తలపై ఖుషి చిత్ర యూనిట్ స్పదించింది. పీఆర్ టీమ్ దినిపై వివరణ ఇచ్చింది.

”ఖుషి సినిమా షూటింగ్ లో విజయ్ దేవరకొండ, సమంత లకు గాయాలు అయినట్టు కొన్ని వెబ్ సైట్ లల్లో వార్తలు వస్తున్నాయి. అందులో ఎలాంటి వాస్తవం లేదు. టీం అంతా సక్సెస్ ఫుల్ గా కాశ్మీర్ లో 30 రోజుల షూటింగ్ కంప్లీట్ చేసుకొని నిన్న నే హైదరాబాద్ తిరిగి వచ్చారు. రెండో షెడ్యూల్ అతి త్వరలోనే మొదలు కానుంది. దయచేసి ఎలాంటి పుకార్లు నమ్మొద్దు” అని క్లారిటీ ఇచ్చారు. దీంతో ఈ వార్తలకు తెరపడింది.