సూప‌ర్ స్టార్ ర‌జ‌నీకాంత్ పై ఓ రూమ‌ర్ ఇప్పుడు ప్ర‌పంచ వ్యాప్తంగా ఆయ‌న అభిమానుల్ని క‌ల‌ర‌పెడుతోంది. ర‌జనీకి ఆరోగ్యం బాగాలేద‌ని, ఆయ‌న విదేశాల్లో ర‌హ‌స్యంగా చికిత్స చేయించుకొంటున్నార‌ని ఆ రూమ‌ర్ల సారాంశం. అందుకే క‌బాలి ఆడియో ఫంక్ష‌న్ కూడా చేయ‌లేద‌ని, ఆయ‌న ఆరోగ్యం కుదుట‌ప‌డిన త‌ర‌వాతే…క‌బాలి ప్ర‌మోష‌న్ల‌లో పాల్గొంటార‌ని ప్ర‌చారం జ‌రుగుతోంది. దానికి తోడు ర‌జ‌నీ కుటుంబం ఇప్పుడు ఇండియాలో లేదు. విహార యాత్ర‌ల కోసం ఫారెన్ వెళ్లింది. విదేశాల్లో ఆయ‌న శ‌స్త్ర చికిత్స చేయించుకొంటున్నార‌ని, అభిమానుల‌కు ఆ విష‌యం తెలియ‌కుండా విహార యాత్ర అంటున్నార‌ని గాసిప్‌రాయుళ్లు చెబుతున్నారు.

ఈ పుకార‌లు ర‌జ‌నీ అభిమానుల్ని కంగారు పెడుతున్నాయి. అయితే ర‌జ‌నీకి ఏంకాలేదని, ఆయ‌న ఆరోగ్యం బాగానే ఉంద‌ని, ఇలాంటి పుకార్లు న‌మ్మొద్ద‌ని ఆయ‌న స‌న్నిహితులు చెబుతున్నారు. ఓ వారం రోజుల్లోగా ర‌జ‌నీ తిరిగొస్తార‌ని, వ‌చ్చిన వెంట‌నే క‌బాలి ప్ర‌మోష‌న్ల‌లో పాల్గొంటార‌ని చెప్పుకొచ్చారు. ఎవ‌రెన్ని చెప్పినా ర‌జ‌నీ వచ్చి, మ‌ళ్లీ క‌ళ్ల ముందు క‌నిపించే వ‌ర‌కూ… ఆయ‌న అభిమానుల క‌ల‌వ‌రింత‌లు ఆగ‌వు.. వాటిని ఎవ‌రూ ఆప‌లేరు.