మెగా ఫ్యామిలీలో యంగ్ హీరోలు అరడజను మంది వున్నారు. అరడజను మందిలో ఎక్కువగా బయట కనిపించే ఇద్దరూ ఎవరంటే? ముందుగా వినిపించే పేర్లు… సాయిధరమ్ తేజ్ & వరుణ్ తేజ్. మెగా ఫ్యామిలీ హీరోల్లో వీళ్ళిద్దరూ వెరీ క్లోజ్. అప్పుడప్పుడూ స్నేహితులతో కలిసి ఎంజాయ్ చేస్తుంటారు. పార్టీలు గట్రా చేసుకుంటారు. లేటెస్ట్‌గా ఇద్దరూ కలిసినప్పుడు దిగిన ఫొటోనే మీరు చూస్తున్నది. అందులో జోకర్ మాస్క్ వేసుకున్నది సాయిధరమ్ తేజ్. ట్రంప్ మాస్క్ వేసుకున్నది వరుణ్ తేజ్. ప్రస్తుతం సాయిధరమ్ తేజ్ చేతిలో సెట్స్ మీద వున్న సినిమాలేవీ లేవు. కిషోర్ తిరుమల దర్శకత్వంలో చేయనున్న ‘చిత్రలహరి’ షూటింగ్ ఇంకా స్టార్ట్ కాలేదు. దానికి కోసం వెయిట్ తగ్గి మేకోవర్ కావాలని ట్రై చేస్తున్నాడు. ఇటీవల వరుణ్ తేజ్ ‘ఎఫ్2’ ఫస్ట్ షెడ్యూల్ ఫినిష్ చేశాడు. సంకల్ప్ రెడ్డి దర్శకత్వంలో చేస్తున్న స్పేస్ థ్రిల్లర్ షూటింగ్ షెడ్యూల్స్ మధ్య కూడా గ్యాప్ వచ్చింది. దాంతో ఇద్దరూ కలిసి ఇలా తమ హాలిడేస్‌ని ఎంజాయ్ చేస్తున్నారు.