మెగా హీరో సాయిధ‌ర‌మ్ తేజ్ నిర్మాణ రంగంలోకి ప్ర‌వేశించారు. త‌న త‌ల్లి విజ‌య దుర్గ పేరుతో నిర్మాణ సంస్థ‌ను స్థాపించారు. ఈ పేరుతో త్వ‌ర‌లోనే ఓ సినిమాని ప‌ట్టాలెక్కించ‌బోతున్నారు. ఇందులో తేజ్ హీరోగా న‌టిస్తాడా, లేదా అనేది వేచి చూడాలి. ‘విరూపాక్ష’తో తేజ్ గ‌ట్టిగా క‌మ్ బ్యాక్ ఇచ్చాడు. ఈ సినిమా సూప‌ర్ హిట్ట‌య్యింది. ఆ త‌ర‌వాత ‘గాంజా శంక‌ర్‌’ సినిమా చేస్తాన‌ని ప్ర‌క‌టించారు. అయితే ఆ సినిమాపై ఇప్ప‌టి వ‌ర‌కూ ఎలాంటి అప్ డేట్ రాలేదు.
మ‌రోవైపు తేజ్ త‌న పేరును సాయి దుర్గ తేజ్‌గా మార్చుకొన్నారు. త‌న పేరులో అమ్మ పేరు కూడా క‌ల‌వాల‌న్న ఉద్దేశంతో ఈ నిర్ణ‌యం తీసుకొన్నారు. సాయిధ‌ర‌మ్‌తేజ్ పేరు ర‌క‌ర‌కాలుగా మారుతూ వ‌చ్చింది. ముందు సాయిధ‌ర‌మ్ తేజ్ అన్నారు. ఆ త‌ర‌వాత.. ధ‌ర‌మ్ తీసేసి ‘సాయితేజ్‌’గా పిలుచుకొన్నారు. ఇప్పుడు సాయి దుర్గ తేజ్ అయ్యింది. తేజ్ న‌టించిన ‘స‌త్య’ అనే షార్ట్ ఫిల్మ్ ఇప్పుడు విడుద‌ల‌కు సిద్ధ‌మైంది.
