మ‌ళ్లీ మ‌ళ్లీ ఇది రానీరోజు, కృష్ణం వందే జ‌గ‌ద్గురుమ్‌, కంచె, గౌత‌మి పుత్ర శాత‌క‌ర్ణి… ఇలా సినిమా సినిమాకీ త‌న మాట‌ల ప‌దును పెంచుకొంటున్నాడు బుర్రా సాయిమాధ‌వ్‌. పెద్ద పెద్ద చిత్రాలు అత‌ని చేతికి అందుతున్నాయి. సావిత్రి ఆత్మ‌క‌థ‌ ‘మ‌హానటి’కి మాట‌లు అందిస్తున్నారు. ఇప్పుడు మ‌రో ఆటో బ‌యోగ్ర‌ఫీ ఆయ‌న చేతికి చిక్కింది. ఎన్టీఆర్ జీవిత క‌థ‌ని సినిమాగా తీయాల‌ని నంద‌మూరి బాల‌కృష్ణ ప్ర‌య‌త్నిస్తున్న సంగ‌తి తెలిసిందే. ఈ చిత్రానికి మాట‌లు అందించే అవ‌కాశం బుర్రా సాయిమాధ‌వ్‌కి ద‌క్కింద‌ని స‌మాచారం. బాల‌కృష్ణ వందో చిత్రం `గౌత‌మి పుత్ర‌`లో బుర్రా అందించిన సంభాష‌ణ‌లు బాగా పేలాయి. దాన్ని దృష్టిలో ఉంచుకొనే బాల‌కృష్ణ బుర్రా సాయిమాధ‌వ్ పేరు సూచించార్ట‌. ఈ చిత్రాన్ని బాల‌య్య త‌న సొంత నిర్మాణ సంస్థ‌లో తెర‌కెక్కించే అవ‌కాశాలున్నాయి. మ‌రోవైపు వారాహి చ‌ల‌న చిత్రం ప‌తాకంపై ఈ సినిమాని నిర్మించాల‌ని సాయి కొర్ర‌పాటి కూడా విశ్వ ప్ర‌య‌త్నాలు చేస్తున్నారు. ద‌ర్శ‌కుడిగా తేజ ఎంపిక దాదాపుగా ఖాయ‌మ‌ని స‌మాచారం.