ఎన్టీఆర్‌ ‘దేవర’ ఫీవర్ నెక్స్ట్ లెవల్ కి చేరింది. అభిమానులు ఎంతగానో ఎదురుచూస్తున్న దేవర ట్రైలర్ బయటికి వచ్చింది. ట్రైలర్ లో ఎన్టీఆర్ మాస్ సంభవం చూపించాడు కొరటాల. ఇప్పుడీ ట్రైలర్ నేషనల్ వైడ్ గా ట్రెండ్ అవుతుంది. ఈ ట్రైలర్ లాంచ్ ఈవెంట్ ముంబైలో జరిగింది. దేవర విలన్ సైఫ్‌ అలీఖాన్‌ ఈ వేడుకలో పాల్గొన్నారు.

ఇది సైఫ్‌ అలీఖాన్ కు తొలి తెలుగు సినిమా. ఈ అనుభూతిని గురించి సైఫ్‌ అలీఖాన్‌ తన మనసులో మాట చెప్పాడు. ‘నా ఫస్ట్ డే షూటింగ్ మర్చిపోలేను. తెలుగులో డైలాగ్ నేర్చుకొని చెప్పినప్పుడు చమటలు పట్టేశాయి. చాలా కంగారు ప‌డ్డాను. ఇది చాలా ఎక్సయిటింగ్ ఎక్స్ పీరియన్స్. తారక్ తో నటించడం నా జీవితంలో గుర్తుండిపోతుంది. సినిమా నాకు చాలా నచ్చింది. నా క్యారెక్టర్ ని చాలా ప్రేమించాను` అన్నారు. ట్రైల‌ర్‌లో సైఫ్ క్యారెక్ట‌ర్ ని స‌రిగా రివీల్ చేయ‌లేదు. బ‌హుశా… సినిమాలో అదే షాకింగ్ ఎలిమెంట్ ఏమో..? ఒక‌వేళ సైఫ్ అలీఖాన్ పాత్ర క్లిక్ అయితే, ద‌క్షిణాది నుంచి సైఫ్‌కి మ‌రిన్ని అవ‌కాశాలు వ‌స్తాయ‌న‌డంలో సందేహం లేదు.

భారీ అంచనాల మధ్య సెప్టెంబర్‌ 27న ప్రపంచవ్యాప్తంగా ప్రేక్షకుల ముందుకురానుంది. ఇప్పటికే ఓవర్సీస్‌లో దీని ప్రీసేల్‌ టికెట్‌ బుకింగ్స్‌ ఓపెన్‌ చేసిన సంగతి తెలిసిందే. టికెట్స్ హాట్‌ కేకుల్లా అమ్ముడవుతున్నాయి. ప్రీసేల్‌ లో సరికొత్త రికార్డులు సృష్టిస్తోంది దేవర.