లవర్ బోయ్ సిద్ధార్థ్ కి అసలు కాలం కలిసి రావట్లేదు. ఈమధ్య చేసిన సినిమాలన్ని బోల్తా కొట్టడంతో తానే నిర్మాతగా మారి జిల్.. జంగ్.. జక్.. అనే ప్రయోగాన్ని చేస్తున్నాడు. ఈ సినిమాతో కూడా మరో కొత్త దర్శకుడిని పరిచయం చేస్తున్న సిద్ధూ ఈ సినిమాను ఎలాగైనా హిట్ చేసుకునేలా ప్లాన్ చేస్తున్నాడు. అందుకే సినిమా మొత్తం అయ్యేదాకా కనీసం ఎలాంటి న్యూస్ బయటకు రాకుండా జాగ్రత్త పడి ఇప్పుడు సడెన్ గా సినిమా ఫస్ట్ లుక్ ని ట్రైలర్ ని రిలీజ్ చేసి షాక్ ఇచ్చాడు.
జిల్..జంగ్..జక్ టైటిలే విచిత్రంగా అనిపిస్తున్న ఈ సినిమా ప్రమోషన్ కూడా కొత్త ఆలోచనలతో తీసుకెళ్తున్నాడు సిద్ధార్థ్. ఇక ఆ దారిలోనే దీపావళి నాడు ఓ సాంగ్ ని సల్మాన్ ఖాన్ చేత రిలీజ్ చేద్దామనే ప్లాన్ చేశాడు. సినిమాలోని ‘షూట్ ది కురువి’ అనే సాంగ్ ని దీపావళి నాడు సల్మాన్ తో రిలీజ్ చేయించి సినిమాకు క్రేజ్ తెచ్చే ప్రయత్నం చేస్తున్నాడు సిద్ధార్థ్.
ఈ మధ్య సల్మాన్ ఖాన్ కూడా సౌత్ సినిమాల ప్రమోషన్స్ లో పాల్గొనడం జరుగుతుంది. అఖిల్ సినిమా టీజర్ రిలీజ్ చేసి షాక్ ఇచ్చిన సల్మాన్ ఖాన్ ఇప్పుడు సిద్ధూ సినిమా పాటని రిలీజ్ చేసి సినిమాకు కావాల్సినంత క్రేజ్ వచ్చేలా చేస్తున్నాడు. మరి సల్మాన్ ఖాన్ సహాయంతో సినిమా కూడా హిట్టై సిద్ధూకి కాసుల వర్షం కురిపించాలని కోరుకుందాం.
