సుశాంత్ సినిమా చి.ల‌.సౌ అన్న‌పూర్ణ స్టూడియోస్ చేతికి వెళ్లింది. ఈ సినిమా వ్య‌వ‌హారాలన్నీ ఇప్పుడు నాగ‌చైత‌న్య‌నే చూసుకుంటున్నాడు. బిజినెస్‌, ప్ర‌మోష‌న్ బాధ్య‌త‌ల‌న్నీ త‌నే నెత్తిమీద పెట్టుకున్నాడు. సుశాంత్‌సినిమా కాబ‌ట్టే, అన్న‌పూర్ణ స్టూడియోస్ ఈ సినిమాని కొన్న‌ద‌ని, ఇదంతా ప‌బ్లిసిటీ ట్రిక్కుల‌ని మీడియాలో గుస‌గుస‌లు వినిపిస్తున్నాయి. ఈ మాట‌ల్ని త్రోసి పుచ్చాడు నాగ‌చైత‌న్య‌. సుశాంత్ సినిమా అనే ప్ర‌త్యేక దృష్టి ఈ సినిమాపై లేద‌ని, కేవ‌లం క‌థ న‌చ్చి ఈ సినిమాని తీసుకున్నామ‌ని చైతూ క్లారిటీ ఇచ్చాడు. సుశాంత్ కాకుండా ఏ కొత్త హీరో ఉన్నా కూడా ఈసినిమాపై ఇంతే ఆస‌క్తి ఉండేద‌ని చెప్పుకొచ్చాడు చైతూ. అయితే ఈ సినిమా హ‌క్కుల్ని తీసుకోవ‌డం వెనుక స‌మంత హ్యాండు కూడా ఉంద‌ట‌. స‌మంతకీ ఈ సినిమా బాగా న‌చ్చింద‌ని, త‌న స‌ల‌హా కూడా తీసుకున్న త‌ర‌వాతే… చి.ల‌.సౌ సినిమాని అన్న‌పూర్ణ స్టూడియోస్ సంస్థ చేజిక్కించుకున్న‌ద‌ని చైతూ చెబుతున్నాడు. మొత్తానికి స‌మంతలో కూడా ప్రొడ్యూస‌ర్ యాంగిల్ ఒక‌టుంద‌న్న‌మాట‌. భ‌విష్య‌త్తులో చై, స‌మంత‌లు క‌ల‌సి నిర్మాణ రంగంలోకి అడుగు పెట్టినా పెట్టొచ్చు.