ప్ర‌స్తుతం ‘పుష్ష 2’తో బిజీగా ఉన్నాడు అల్లు అర్జున్‌. ఆ త‌రువాతి సినిమా ఏమిట‌న్న విష‌యంలో ఇప్పుడిప్పుడే క్లారిటీ వ‌స్తోంది. ‘పుష్ష 2’ అవ్వ‌గానే అట్లీతో సినిమాని ప‌ట్టాలెక్కించే అవ‌కాశాలు పుష్క‌లంగా క‌నిపిస్తున్నాయి. ఈనెల 8న బ‌న్నీ బ‌ర్త్ డే. ఈ సంద‌ర్భంగా అట్లీ సినిమాకి సంబంధించిన అధికారిక ప్ర‌క‌ట‌న రానుంది. ఇప్ప‌టికే బ‌న్నీ కోసం ఓ ప‌వ‌ర్‌ఫుల్ క‌థ‌ని రెడీ చేసే ప‌నిలో ఉన్నాడు అట్లీ. క‌థానాయిక‌ల వేట కూడా మొద‌లెట్టేశాడ‌ట‌. ఈ సినిమాలో క‌థానాయిక‌గా ఇది వ‌రకు త్రిష పేరు వినిపించింది. ఇప్పుడు స‌మంత పేరు ఖాయ‌మైందంటూ వార్త‌లొస్తున్నాయి. అయితే ఇందులో ట్విస్ట్ ఏమిటంటే ఈ సినిమాలో ఒక‌రు కాదు… ఇద్ద‌రు హీరోయిన్లు క‌నిపించే అవ‌కాశం ఉంద‌ట‌. ఆ ఇద్ద‌రూ త్రిష‌, స‌మంత‌నే అని తెలుస్తోంది. బ‌న్నీ ప‌క్క‌న స‌మంత ఇది వ‌ర‌కు న‌టించింది.కానీ త్రిషతో ఇదే తొలి సినిమా అవుతుంది. బ‌న్నీ – త్రిష కాంబో.. కాస్త కొత్త‌గా అనిపించే అంశ‌మే. అందుకే అట్లీ.. త్రిష వైపు మొగ్గు చూపిస్తున్నాడ‌ట‌. అనిరుథ్ ఈ చిత్రానికి సంగీతం అందించే అవ‌కాశాలు ఉన్నాయి. స‌న్ పిక్చ‌ర్స్ ఈ చిత్రాన్ని తెర‌కెక్కించ‌బోతోంది. త్రివిక్ర‌మ్‌, బోయ‌పాటి శ్రీ‌నుల‌తో చెరో సినిమా చేయాలి బ‌న్నీ. వాటికి సంబంధించిన అప్ డేట్స్ కూడా బ‌న్నీ బ‌ర్త్ డేకి రావొచ్చు.