క్రియేటివ్ డైరక్టర్ కృష్ణ వంశీ చరణ్ గోవిందుడు అందరివాడేలే తర్వాత ఏ సినిమా కమిట్ అవ్వలేదు. సినిమాల పరంగా హిట్టు కొట్టకపోయినా కృష్ణ వంశీ సినిమాల మీద యూత్ ఆడియెన్స్ ఎప్పుడు ఓ కన్నేసి ఉంచుతారు. అయితే తెలుస్తున్న కథనాల ప్రకారం కృష్ణ వంశీ ఇప్పుడు ట్రెండ్ సృష్టిస్తున్న హారర్ జానర్లో ఓ సినిమా చేస్తున్నాడట. దీనికి సంబంధించిన కథ రెడీ చేసుకుని స్టార్ ప్రోడ్యూసర్ దిల్ రాజుని కలిశాడట కృష్ణవంశీ. అయితే దిల్ రాజుకి కూడా కథ నచ్చడంతో ప్రొసీడ్ అయ్యే పనిలో ఉన్నాడు కృష్ణ వంశీ. ఫీమేల్ లీడ్ మీద బేస్ చేసుకుని నడిచే హారర్ థ్రిల్లర్ కాబట్టి ఈ సినిమాకు రుద్రాక్ష అని టైటిల్ పెట్టే ఆలోచనలో ఉన్నారు.
ప్రస్తుతం ట్రెండ్ మీదున్న ఈ టైప్ ఆఫ్ సినిమాలను ఆల్రెడీ తీసి హిట్ కొట్టారు దర్శక నిర్మాతలు. ఇక హీరోయిన్ నయనతార, త్రిషలు కూడా ఈ టైప్ సినిమాలు తీసి సక్సెస్ సాధించారు. అయితే ప్రస్తుతం ఈ సినిమాలో హీరోయిన్ గా దర్శకుడు ఎవరిని తీసుకుంటారనేది సస్పెన్స్ గా మారింది. ఓ పక్క దిల్ రాజు ఈ సినిమాను సమంతతో చేయిద్దామనే ప్లాన్లో ఉన్నాడని ఫిల్మ్ నగర్ టాక్. సమంత కూడా ఎప్పుడు రొటీన్ కథలు కాకుండా డిఫరెంట్ జానర్ సినిమా అని కృష్ణవంశీ సబ్జెక్ట్ కి ఓకే చెప్పే ఛాన్సెస్ ఉన్నాయని అంటున్నారు.
మరి క్రేజీ కాంబోగా హారర్ కథాంశంతో రాబోతున్న ఈ సినిమా ప్రేక్షకులను ఎలా ఆకట్టుకుంటుందో చూడాలి. తీసే సినిమా ఏదైనా దాని మీద ఫుల్ ఫోకస్ పెట్టే కృష్ణ వంశీ తీయబోయే ఈ హారర్ థ్రిల్లర్ సినిమాను కూడా తన మార్క్ టేకింగ్ తో అబ్బురపరచేలా చేస్తాడని నమ్ముతున్నారు అతని అభిమానులు.
