స‌మంత ఇండ‌స్ట్రీకి వ‌చ్చి… దాదాపు ప‌న్నెండేళ్ల‌య్యింది. అప్ప‌టి నుంచీ.. ఇప్ప‌టి వ‌ర‌కూ ఆమెకు ఒకే ఒక్క మేనేజ‌ర్‌. త‌నే మ‌హేంద‌ర్‌. స‌మంత అంటే మ‌హేంద‌ర్‌, మ‌హేంద‌ర్ అంటే స‌మంత‌… అన్న‌ట్టు వీళ్ల ప్ర‌యాణం సాగింది. స‌మంతతో పాటు కొంత‌మంది హీరోయిన్ల‌కు మేనేజ‌ర్‌గా ప‌నిచేశారు మ‌హేంద‌ర్‌. అయితే.. త‌న ఫోక‌స్ అంతా స‌మంత‌పైనే ఉండేది. స‌మంత కూడా మ‌హేంద‌ర్‌ని సొంత మ‌నిషిలానే చూసుకుంది. అయితే ఇప్పుడు ఇద్ద‌రి మ‌ధ్యా పేచీ వ‌చ్చింద‌ని తెలుస్తోంది. స‌మంత నుంచి మ‌హేంద‌ర్ బ‌య‌ట‌కు వ‌చ్చేశాడ‌ని, ఇప్పుడు స‌మంత ఓ కొత్త మేనేజ‌ర్‌ని వెదుక్కొనే ప‌నిలో ప‌డిందని ఇండ‌స్ట్రీలో గుస‌గుస‌లు వినిపిస్తున్నాయి. కార‌ణాలేం తెలీవు గానీ, 12 ఏళ్ల పాటు.. త‌న ప‌క్కనుండి, కెరీర్‌ని న‌డిపించిన వ్య‌క్తిని.. వ‌దులుకోవ‌డం క‌ఠిన నిర్ణ‌య‌మే. సాధార‌ణంగా హీరోయిన్లు త‌మ మేనేజ‌ర్ల‌ని మార్చ‌డానికి ఏమాత్రం ఇష్ట‌ప‌డ‌రు. స‌మంత త‌న స్టాఫ్‌లో ఒక్కరిని కూడా ఇప్ప‌టి వ‌ర‌కూ వ‌దులుకోలేదు. అయితే మ‌హేంద‌ర్ విష‌యంలోనే ఇలాంటి నిర్ణ‌యం ఎందుకు తీసుకుందో..?