పవర్ స్టార్ పవన్ కళ్యాన్ ప్రస్తుతం చేస్తున్న సర్దార్ గబ్బర్ సింగ్ చిత్రీకరణ వేగంగా జరుపుకుంటుంది. అయితే పవన్ కళ్యాన్ ఆ సినిమా తర్వాత తనకు ఖుషి లాంటి హిట్ ఇచ్చిన దర్శకుడు ఎస్.జె సూర్యతో సినిమా చేసేందుకు రెడీ అవుతున్నాడట. ఇప్పటికే దీనికి పవర్ స్టార్ దగ్గర నుండి గ్రీన్ సిగ్నల్ లభించిందని తెలుస్తుంది. అయితే క్రేజీ కాంబోగా రాబోతున్న ఈ సినిమాలో సమంత హీరోయిన్ గా తీసుకునే ఆలోచన చేశారట దర్శక నిర్మాతలు.
కాని సమంత డేట్స్ రెండేళ్ల వరకు బిజీగా ఉండటం చేత ఆమె సారీ చెప్పక తప్పలేదట. అత్తారింటికి దారేది సినిమాలో జతకట్టిన పవర్ స్టార్, సమంతల జోడీ ప్రేక్షకులను ఎంతగానో ఆకట్టుకుంది. ఇక ఈ ఆఫర్ మిస్ చేసుకున్నందుకు సమంత కూడా బాధపడుతుందట. మంచి అవకాశాన్ని వదులు కోవాల్సి వచ్చిందని దిగులు చెందుతున్నదట. మరి ఆ క్రేజీ ఆఫర్ ను ఏ భామ చేజిక్కించుకుంటుందో చూడాలి.
ఇక శరవేగంగా షూటింగ్ జరుపుకుంటున్న సర్దార్ సినిమా ఏప్రిల్ 8న రిలీజ్ చేసేందుకు సిద్ధం చేస్తున్నారు. దేవి శ్రీప్రసాద్ మ్యూజిక్ అందిస్తున్న ఈ సినిమాను బాబి దర్శకత్వం వహిస్తున్నాడు.
