సమంత-నాగచైతన్యల జంట కొన్నాళ్ళుగా సోషల్ మీడియాలో హాట్ టాపిక్. వీరిద్దరూ విడాకులు తీసుకోబోతున్నారంటూ ఊహాగానాలు. ఇద్దరూ విడాకులకు అప్లయ్ చేశారని.. ప్రస్తుతం కౌన్సిలింగ్ స్టేజ్ లో విడాకులున్నాయని కథనాలు. అయితే ఇప్పటివరకూ దీనిపై ఎవరూ పెదవి విప్పలేదు. అటు మీడియా కూడ వీరి పబ్లిక్ ప్రజన్స్ కోసం ఎదురుచూస్తుంది. ”లవ్ స్టొరీ’ ప్రొమోషన్స్ నాగ చైతన్యకు ఖచ్చితంగా ‘విడాకుల” ప్రశ్న ఎదురురౌతుంది. ఐతే ఇంతలో సమంతకి ఈ రూమర్స్ తాకాయి. అదీ తిరుమల కొండపై. శనివారం విఐపీ బ్రేక్ ప్రారంభంలో శ్రీ‌వారిని స‌మంత ద‌ర్శించుకుంది. అనంత‌రం రంగ‌నాయ‌కుల మండ‌ప‌లంలో వేద‌పండితుల ఆశీర్వచ‌నం తీసుకొని వస్తున్న క్రమంలో ఓ మీడియా ప్రతినిధి ”రూమర్స్ వస్తున్నాయి ?”అని నేరుగా కొండమీదే ప్రశ్నించాడు.

ఈ ప్రశ్న తనకు ఎదురౌతుందని సమంతకి తెలుసు. కానీ నేరుగా ఇలా కొండమీద శ్రీవారి సన్నిధిలో ఇలాంటి ప్రశ్న వేస్తారని సమంత ఊహించలేదు. అందుకే పట్టరాని కోపం వచ్చింది. ప్రశ్న అడిగిన వ్యక్తి వైపు కోపంగా చూసి ”గుడికి వచ్చి.. బుద్ధుందా?’అని చాలా ఆవేశంగా అక్కడి నుంచి వెళ్ళిపోయింది సమంత. దీనికి సంబంధించిన వీడియో క్లిప్ ఇప్పుడు సోషల్ మీడియాలో వైరల్ అవుతుంది. ఈ వీడియో చూసిన నెటిజన్స్ సమంతకి మద్దతు తెలుపుతున్నారు. శ్రీవారి సన్నిధి అనే కామన్ సెన్స్ లేకుండా ఇలాంటి పర్శనల్ ప్రశ్నలు వేయడం సదరు మీడియా వారికి తగదని కామెంట్స్ చేస్తున్నారు. సమంత కోపంలో అర్ధం వుంది.. పర్శనల్ మేటర్ లో మీడియా అతి పనికి రాదు.. రూమర్స్ పై క్లారిటీ తీసుకోవడానికి సమయం, సందర్భం వుంటుందని మరి కొందరు ట్వీట్స్ చేస్తున్నారు.