మ‌హేష్‌బాబు, ఎన్టీఆర్‌, రామ్ చ‌ర‌ణ్‌… ఇలా మైత్రీ మూవీస్ ముందు నుంచీ పెద్ద హీరోల‌తోనే ప్ర‌యాణం చేస్తూవుంది. ఆ సంస్థ నుంచి మాస్ సినిమాలే ఎక్కువ‌గా వ‌చ్చాయి. తొలిసారి ఓ లేడీ ఓరియెంటెడ్ సినిమా కోసం ప్లాన్ చేస్తోంది మైత్రీ మూవీస్‌. ఆ సినిమాని స‌మంత‌తో చేయాలన్న‌ది ఆలోచ‌న‌. స‌మంత డేట్స్ మైత్రీ ద‌గ్గ‌ర ఉన్నాయి. ఇప్పుడు స‌మంత‌కు స‌రిప‌డ క‌థ కోసం మైత్రీ మూవీస్ అన్వేషిస్తోంది. రెండు మూడు లైన్లు కూడా సిద్ధం చేసింది. వాటిపై ప్ర‌స్తుతం వ‌ర్క్ జ‌రుగుతోంది. దీంట్లో ఏ క‌థ స‌మంత‌కి న‌చ్చితే.. ఆ సినిమా ప‌ట్టాలెక్కుతుంది. ప్ర‌స్తుతం ప‌వ‌న్ క‌ల్యాణ్ – హ‌రీష్ శంక‌ర్ సినిమాకి సంబంధించిన స్క్రిప్టు ప‌నులు మైత్రీ మూవీస్ ఆఫీసులోనే జ‌రుగుతున్నాయి. దాంతో పాటు స‌మాంత‌రంగా స‌మంత క‌థ‌పై కూడా వ‌ర్క్ చేస్తున్నారు. మ‌రి స‌మంత‌కి త‌గిన క‌థ ఎప్పుడు సిద్ధ‌మ‌వుతుందో చూడాలి.