ఏమైందీవేళ‌, ర‌చ్చ‌, బెంగాల్ టైగ‌ర్‌… ఇలా హ్యాట్రిక్ కొట్టిన ద‌ర్శ‌కుడు సంప‌త్‌నంది. త‌న నాలుగో సినిమా కోసం కొంచెం టైమ్‌తీసుకొన్నారు. రామ్‌, రామ్‌చ‌ర‌ణ్‌.. చుట్టూ క‌థ‌లు ప‌ట్టుకొని తిరిగినా ఫ‌లితం ద‌క్క‌లేదు. ఎట్టకేల‌కు నాలుగో సినిమా సెట్ట‌య్యింది. త్వ‌ర‌లోనే గోపీచంద్‌తో జ‌ట్టుక‌ట్ట‌బోతున్నాడు సంప‌త్‌. ఇటీవ‌ల గోపీచంద్‌ని క‌లిసిన సంప‌త్‌.. ఓ క‌థ చెప్పి ఓకే చేయించుకొన్నాడ‌ని టాక్. సెప్టెంబ‌రులో ఈసినిమా ప‌ట్టాలెక్క‌బోతోంద‌ని తెలుస్తోంది. ప్ర‌స్తుతం ఆక్సిజ‌న్ సినిమా పూర్తి చేసే ప‌నిలో ప‌డ్డాడు గోపీచంద్‌. ఆగ‌స్టు చివరినాటిక‌ల్లా ఈ సినిమా పూర్త‌వుతుంది. ఆ వెంట‌నే సంప‌త్‌నంది సినిమాని సెట్స్‌పైకి తీసుకెళ్తారు. గోపీచంద్‌… డిక్టేటర్ ద‌ర్శ‌కుడు శ్రీ‌వాస్‌తో ఓ సినిమా చేయాల్సివుంది. మ‌రి అదెప్పుడు మొద‌ల‌వుతుందో..?? యాక్ష‌న్ బ్యాక్ డ్రాప్‌లో సాగే ఓ ల‌వ్ స్టోరీ ఇది. క‌థానాయిక‌, మిగిలిన వివ‌రాల్ని అతి త్వ‌ర‌లో వెల్ల‌డించే అవ‌కాశం ఉంది.