ద‌క్షిణాదిలో టాప్ ద‌ర్శ‌కుడిగా చ‌లామ‌ణీ అవుతున్నాడు లోకేష్ క‌న‌గ‌రాజ్‌. త‌ను చేసేవ‌న్నీ బ‌డా సినిమాలే. ప్ర‌స్తుతం ర‌జ‌నీకాంత్ ని ‘కూలీ’గా చూపించ‌బోతున్నాడు. ఈ సినిమా సెట్స్ పై ఉంది. మ‌రోవైపు నిర్మాత‌గా ఓ సినిమా చేస్తున్నాడు. లారెన్స్ హీరోగా రూపొందుతున్న ‘బెంజ్‌’ చిత్రానికి లోకేష్ నిర్మాత‌. అంతే కాదు.. ఈ చిత్రానికి క‌థ‌, స్క్రీన్ ప్లే కూడా అందించాడు. బ‌క్కియ‌రాజ్ క‌న్న‌ణ్ ఈ చిత్రంతో ద‌ర్శ‌కుడిగా ప‌రిచ‌యం అవుతున్నారు. ఇందులో క‌థానాయిక‌గా సంయుక్త మీన‌న్ ని ఎంచుకొన్నారు. లారెన్స్ తో సంయుక్త‌కు ఇదే తొలి చిత్రం. ప్ర‌స్తుతం బెల్లంకొండ సాయి శ్రీ‌నివాస్ హీరోగా రూపొందుతున్న ఓ పాన్ ఇండియా ప్రాజెక్ట్ లో హీరోయిన్ గా న‌టిస్తోంది సంయుక్త‌. ‘బెంజ్‌’ ఓ యాక్ష‌న్ థ్రిల్ల‌ర్‌. ప్ర‌స్తుతం షూటింగ్ జ‌రుపుకొంటోంది.

మ‌రోవైపు ర‌మేష్ వ‌ర్మ‌తో ఓ సినిమా చేయ‌డానికి ప‌చ్చ‌జెండా ఊపాడు లారెన్స్. ఏ స్టూడియోస్ సంస్థ ఈ చిత్రాన్ని నిర్మించ‌నుంది. ఈ ద‌స‌రాకు ప్రీ లుక్ పోస్ట‌ర్ విడుద‌ల‌య్యే అవ‌కాశం వుంది. న‌వంబ‌రు నుంచి చిత్రీక‌ర‌ణ మొద‌ల‌వుతుంది. ఈ చిత్రానికి ‘కాల‌భైర‌వ‌’ అనే టైటిల్ ఫిక్స్ చేశార‌ని ప్ర‌చారం జ‌రుగుతోంది. సోషియో ఫాంట‌సీ నేప‌థ్యంలో సాగే సినిమా ఇది. విజువ‌ల్ ఎఫెక్ట్స్ కి పెద్ద పీట వేశారు. ఈ చిత్రానికి క‌థ‌, స్క్రీన్ ప్లే… లారెన్స్ అందించిన‌ట్టు స‌మాచారం. ర‌మేష్ వ‌ర్మ ద‌ర్శ‌క‌త్వంలో రానున్న ‘కిల’` రీమేక్ లో కూడా లారెన్స్ హీరోగా న‌టిస్తున్నార‌న్న ప్ర‌చారం జ‌రిగింది. అయితే.. ర‌మేష్ వ‌ర్మ మాత్రం ఈ క‌థ‌కు మ‌రో హీరోని వెదికి ప‌ట్టుకొనే ప‌నిలో బిజీగా ఉన్నార‌ని టాక్.