ఇటీవ‌ల రోడ్డు ప్ర‌మాదానికి గురైన సాయిధ‌ర‌మ్ తేజ్ పూర్తిగా కోలుకున్నాడు. ఆసుప‌త్రి నుంచి డిశ్చార్జ్ అయిన త‌ర‌వాత‌.. సాయిధ‌ర‌మ్ తేజ్ ఫొటో కూడా బ‌య‌ట‌కు వ‌చ్చింది. దీపావ‌ళి సంద‌ర్భంగా మెగా హీరోలంతా క‌లిసి తీయించుకున్న ఓ ఫొటోని చిరంజీవి పోస్ట్ చేశారు.అందులో ఇదివ‌ర‌క‌టి తేజ్ ని చూసి, ఫ్యాన్స్ ఊపిరి పీల్చుకున్నారు.

ఇప్పుడు తేజ్ మ‌ళ్లీ షూటింగులు మొద‌లెట్ట‌డానికి క‌స‌ర‌త్తులు చేస్తున్నాడు. కాక‌పోతే… మ‌రో రెండు నెల‌లు విరామం తీసుకోవాలన్న‌ది తేజ్ ఆలోచ‌న‌. తేజ్ కొత్త సినిమా కూడా జ‌న‌వ‌రిలోనే మొద‌లు కానుంద‌ట‌. సుకుమార్ రైటింగ్స్ ప‌తాకంపై, సుకుమార్ శిష్యుడు ఈ చిత్రాన్ని తెర‌కెక్కించ‌బోతున్నాడు. ఇందులో హీరోయిన్ గా మ‌లయాళం భామ‌ సంయుక్త మీన‌న్ ని ఎంచుకున్నార‌ని స‌మాచారం. భీమ్లా నాయ‌క్ సినిమాలో సంయుక్త ఓ కీల‌క‌మైన పాత్ర పోషిస్తోంది. ఇప్పుడు త‌ను తేజ్ ప‌క్క‌న న‌టించ‌బోతోంద‌ట‌. ఈ ప్రాజెక్టుకి సంబంధించిన పూర్తి వివ‌రాలు త్వ‌ర‌లో తెలుస్తాయి.