హైదరాబాదీ టెన్నిస్ సంచలనం సానియా మీర్జా జోరు కొనసాగుతోంది. ఆదివారం నాడు మార్టినా హింగిస్ తో కలిసి మరో టైటిల్ ను గెల్చుకుంది. సింగపూర్లో డబ్ల్యు.టి.ఎ. టోర్నీమహిళల డబుల్స్ ఫైనల్లో సానియా, హింగిస్ చెలరేగి ఆడి అలవోకగా గెలిచారు. ఈ ఏడాదిలోనే తొమ్మితో టైటిల్ ను సొంతం చేసుకుని సంచలనం సృష్టించారు.
సానియో జోడీ జోరుకు, స్పెయిన్ కు చెందిన ప్రత్యర్థులు బేజారయ్యారు. గట్టిగా కౌంటర్ ఇవ్వలేక చేతులెత్తేశారు. దీంతో వరుస సెట్లలో పోరు ముగిసింది. 6-0, 6-3 స్కోరుతో సానియా, హింగిస్ జోడీ విజయం సాధించిందంటే మ్యాచ్ ఎంత ఏకపక్షంగా సాగిందో అర్థమవుతుంది.
సానియా, హింగిస్ జోడీకి ఇది వరసగా 22వ విజయం. టైటిల్స్ పరంగా తొమ్మదో చాంపియన్ షిప్. ఇద్దరి మధ్యా చక్కటి సమన్వయం కుదరడంతో టెన్నిస్ కోర్టులో ఎదురు లేకుండా డబుల్స్ పోటీల్లో వీర విహారం చేస్తున్నారు. ఈ జోడీ పోటీకి దిగుతోందంటే ప్రత్యర్థులు ఓటమికి సిద్ధం కావాల్సిందే అనే స్థాయిలో వీరి హవా నడుస్తోంది.
జనవరిలో సిడ్నీ ఇంటర్నేషనల్ టోర్నీ చాంపియన్ షిప్ సాధించడంతో ఈ జంట జైత్రయాత్ర మొదలైంది. ఈ ఏడాది వీరు సాధించిన విజయాల్లో రెండు గ్రాండ్ స్లాం టైటిల్స్ కూడా ఉన్నాయి. వింబుల్డన్, యు ఎస్ ఓపెన్ మహిళల డబుల్స్ టైటిల్స్ ను ఈ జోడీయే సాధించింది.
